ნინოწმინდის ბავშვთა პანსიონში საქართველოში UNICEF-ის ხელმძღვანელი ღასან ხალილი იმყოფებოდა.
როგორც ღასან ხალილმა მედიასთან საუბარში აღნიშნა, ორგანიზაცია ყურადღებით დააკვირდება პანსიონში განვითარებულ პროცესებს.
„შევხვდით ბენეფიციარებს, რომლებსაც ვესაუბრეთ პანსიონში არსებულ საცხოვრებელ პირობებზე. ადგილზე კვლავ გაგრძელდება 24 საათიანი მონიტორინგი, რომელსაც სოცმუშაკები განახორციელებენ. UNICEF-ი ყურადღებით დააკვირდება ბავშვთა პანსიონში განვითარებულ პროცესებს“, - აცხადებს ხალილი.
ინფორმაციისთვის, სახალხო დამცველი ამბობს, რომ ნინოწმინდის წმინდა ნინოს ბავშვთა პანსიონში ბავშვთა მიმართ ძალადობის მწვავე ფაქტები და ბავშვების დასჯის შემთხვევები გამოვლინდა.
აგრეთვე დაგაინტერესებთ:
✔️ სასამართლომ ნინოწმინდის პანსიონიდან ბავშვების დაუყოვნებლივ გაყვანის გადაწყვეტილება მიიღო - PHR
✔️ „სოცმუშაკები პანსიონში იმუშავებენ იმდენი ხანი, რამდენიც საჭირო იქნება“ - მეუფე ნიკოლოზი