„მობილობის შემცირების ტერმინი საზოგადოებას ხშირად არ ესმის ხოლმე. ეს ნიშნავს იმას, რომ ერთი ოჯახისა და ერთი სამსახურის წარმომადგენლები, რომლებსაც ერთმანეთთან მჭიდრო კონტაქტი აქვთ, რაც შეიძლება ნაკლებად უნდა შეხვდნენ სხვა ოჯახისა და სხვა სამსახურების წარმომადგენლებს“, - ამის შესახებ დაავადებათა კონტროლის ეროვნული ცენტრის დირექტორის მოადგილემ პაატა იმნაძემ განაცხადა. 

„დადებითობის მაჩვენებელი უკვე მიუახლოვდა 4%-ს და როგორც ჩანს, დღევანდელი მონაცემები გვაძლევს ფრთხილი ოპტიმიზმის საფუძველს. ამიტომ ჩვენ უკვე უნდა დავიწყოთ მსჯელობა იმაზე, რომ თუ მსგავსი ტენდენცია შევინარჩუნეთ ერთი კვირის განმავლობაში, ეტაპობრივი გახსნა ცოტა უფრო ადრე დავიწყოთ“, - ამის შესახებ პრემიერ-მინისტრმა გიორგი გახარიამ მთავრობის სხდომაზე განაცხადა.   

გადაუდებელი სამუშაოების გამო 28 იანვარს თბილისის მოსახლეობის ნაწილს ელექტრომომარაგება დროებით შეეზღუდება. ინფორმაციას კომპანია „თელასის“ საზოგადოებასთან ურთიერთობის სამსახური ავრცელებს.

„ვაღიარებ, რომ შეცდომები დაშვებული იყო ეროვნული, სოციალური და პედაგოგიური კუთხით, რისთვისაც შენდობას ვითხოვ ჩემი პატრიარქისა და მთელი საზოგადოებისგან“, - ამის შესახებ დეკანოზ თადეოზ სარალიძის შენდობის წერილშია აღნიშნული.

კომპანიის ადმინისტრაციასთან მოლაპარაკების შედეგად ჯორჯიან უოთერ ენდ ფაუერის კონტრაქტორი მძღოლები მზად არიან გააგრძელონ მუშაობა და შეასრულონ ხელშეკრულებით გათვალისწინებული ვალდებულებები, - ამის შესახებ ინფორმაციას ჯივიპის საზოგადოებასთან ურთიერთობის სამსახურის წარმომადგენელი ავრცელებს.

„ქალაქში სატრანსპორტო პოლიტიკის მოწესრიგების კუთხით დედაქალაქისთვის დამატებით 180 ერთეული რვა მეტრიანი ავტობუსის შესყიდვა უმნიშვნელოვანესია ქალაქში სატრანსპორტო პოლიტიკის მოწესრიგების კუთხით და კიდევ ერთი წინგადადგმული ნაბიჯი იმისთვის, რომ ქალაქი საცობებისგან გათავისუფლდეს და ჰაერის დაბინძურება მინიმუმამდე დავიდეს“ - ასე ეხმაურება პარლამენტის გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე თბილისის მერის კახა კალაძის გადაწყვეტილებას.

კონსტრუქციული საუბარი იყო. ეპიდემიოლოგიურ ვითარებას დააკვირდებიან და როგორც იქნება გაუმჯობესება იმის მიხედვით მოიხსნება შეზღუდვები, ეს ეხება გადაადგილების შეზღუდვას და ასევე შაბათ-კვირას მუშაობას. მთავარი იყო ის, რომ გავხსნილიყავით, რაც არ შეიცვალა და ვიხსნებით ჩვეულებრივად პირველ თებერვალს, - ამის შესახებ მთავრობის წევრებსა და სავაჭრო ქსელებისა და მაღაზიების მფლობელებს შორის გამართული შეხვედრის შემდეგ „გალერია თბილისის“ დირექტორმა ნიკოლოზ ცინცაძემ განაცხადა.

„ნებისმიერი გახსნა უნდა იყოს ეტაპობრივი, ფრთხილი და თუ მობილობას ვზრდით ამ ეტაპზე გარკვეული შეზღუდვებით უნდა დავაკომპენსიროთ“, - ამის შესახებ ვიცე-პრემიერმა მაია ცქიტიშვილმა, სავაჭრო ქსელების და მაღაზიების მფლობელებთან შეხვედრის შემდეგ განაცხადა.

„რაც შეეხება ქადაგების შინაარსს, რომელიც რამდენიმე საკითხს ეხებოდა, ზოგიერთი თემა არ იყო ისე განმარტებული, როგორც ეს არის მისაღები. თუმცა, ზოგიერთ შემთხვევაში მას სურდა სწორი პოზიცია გამოეხატა, თუმცა არასწორად გამოთქვა ზოგიერთი შეხედულება. მისი შეფასებისას იყო გარკვეული ხარვეზები“,- ასე ეხმაურება ჭიათურისა და საჩხერის მიტროპოლიტი, მეუფე დანიელი დეკანოზ თადეოზის ქადაგებას.

„სამწუხაროდ,  ჯერ არ არიან ჩამოყალიბებული ეს პოლიტიკოსები პოლიტიკოსებად“, - ამის შესახებ ბოდბელმა ეპისკოპოსმა, მეუფე იაკობმა ნინოობის დღესასწაულთან დაკავშირებით სადღესასწაულო წირვა-ლოცვაზე განაცხადა.

გარემოს ეროვნული სააგენტოს ცნობით, 27 იანვარს საქართველოში შენარჩუნებული იქნება უნალექო ამინდი.

დეკანოზ თადეოზ სარალიძეს, შესაძლოა პასუხისმგებლობა დაეკისროს. 

„იმ ტაქსის მძღოლებმა ვინც ლიცენზიას ფლობს აუცილებელია ტექდათვალიერება გაიარონ, წინააღმდეგ შემთხვევაში მათ ამ სერვისის განხორციელების უფლება ჩამოერთმევათ და ჩამოერთმევათ ლიცენზია“, - ამის შესახებ თბილისის მერმა კახა კალაძემ დედაქალაქის მთავრობის სხდომის დაწყების წინ განაცხადა.

27 იანვარს მართლმადიდებლური ეკლესია, ქრისტიანობის გამავრცელებლის, წმინდა ნინოს გარდაცვალების დღეს აღნიშნავს.

საქართველოს პრეზიდენტი სალომე ზურაბიშვილი ჟენევის საერთაშორისო მოლაპარაკებების თანათავმჯდომარეს, სამხრეთ კავკასიასა და საქართველოში კრიზისის საკითხებში ევროკავშირის სპეციალურ წარმომადგენელს, ტოივო კლაარს შეხვედა, - ამის შესახებ ინფორმაციას პრეზიდენტის პრესსამსახური ავრცელებს. 

გლდანში, გლდანის ღია ბაზრობის მოვაჭრეები საპროტესტო აქციას მართავენ და აცხადებენ, რომ შეზღუდვების შემსუბუქებას მოითხოვენ. 

საქართველოს მთავრობის ადმინისტრაციასთან საპროტესტო აქცია მიმდინარეობს.