ქართული წარმოების პირბადე, რომელიც შაბათიდან სააფთიაქო ქსელებში გაიყიდება, მრავალჯერადი გამოყენებისაა. ადამიანმა თითო პირბადე შესაძლოა რამდენიმე კვირის განმავლობაში გამოიყენოს. ამის შესახებ ეკონომიკის მინისტრმა ნათია თურნავამ განაცხადა.
"საუბარია მრავალჯერადი გამოყენების დოლბანდის პირბადეზე - ეს იმას ნიშნავს, რომ დელიკატური რეცხვის შემთხვევაში რამდენიმე კვირაც შეიძლება გამოიყენონ ადამიანებმა თითო პირბადე. შესაბამისი ინსტრუქცია ამას მოჰყვება და მათ შესაძლებლობა ექნებათ, აფთიაქებშიც იკითხონ მომხარების წესები", - აღიშნა ნათია თურნავამ.
მისი თქმით, იმისათვის, რომ ქართული წარმოების პირბადე ყველასთვის ხელმისაწვდომი იყოს, სააფთიაქო ქსელების მიერ დაწესდება ლიმიტი - 3 პირბადე ერთ მომხმარებელზე, ერთ გაყიდვაზე.
მინისტრის ინფორმაციით, აფთიაქებში ქართული წარმოების პირბადეების გარდა,რომლის ღირებულებაც 50 თეთრი იქნება, სხვა წარმოების, კომერციული პირბადეებიც გაიყიდება, რომელსაც შეიძლება განსხვავებული ფასი ჰქონდეს.