11-წლიანი მშენებლობის შემდეგ ახალციხეში, 9 აპრილის ქუჩაზე, შალვა ახალციხელის სახელობის ტაძარი გაიხსნა.
საზეიმო წირვა-ლოცვა ახალციხისა და ტაო-კლარჯეთის მიტროპოლიტმა მეუფე თეოდორემ აღავლინა. დღესასწაულს მინისტრთა კაბინეტის, სინოდის და ადგილობრივი ხელისუფლების წარმომადგენლები დაესწრნენ.
ტაძრის კურთხევის ცერემონიალისთვის ახალციხეში ჩამოვიდნენ სოზარ სუბარი, თეა წულუკიანი, ირაკლი ღარიბაშვილი, არჩილ თალაკვაძე. მოგვიანებით მათ პრემიერ-მინისტრიც შეუერთდა.
შალვა ახალციხელის სახელობის ტაძრის მშენებლობა ადგილობრივმა ბიზნესმენმა ვასილ ივანიძემ 2009 წელს დაიწყო. პროექტის ღირებულებამ 2 მლნ. ლარი შეადგინა, თუმცა ბიზნესმენის გარდაცვალების შემდეგ, მშენებლობა შეჩერდა. ტაძარი ადგილობრივი ბიუჯეტიდან გამოყოფილი და საპატრიარქოს თანხებით ეპარქიამ დაასრულა.