საზოგადოება

აფბა „კავკასუს ონლაინის“ საქმესთან დაკავშირებით ეკონომიკის სამინისტროს და ინვესტორთა საბჭოს მიმართავს

აფბას ლოგო
18:57 23.06
დაკოპირებულია

არასამთავრობო ორგანიზაცია „ახალგაზრდა ფინანსისტთა და ბიზნესმენთა ასოციაცია – აფბა” ეკონომიკის სამინისტროს და ინვესტორთა საბჭოს მიმართავს და „კავკასუს ონლაინის” საქმესთან დაკავშირებით შესაბამისი რეაგირებისკენ მოუწოდებს. ასოციაცია მიმართავს უწყებებს, რათა არ დაუშვან კომუნიკაციების კომისიის დაუსაბუთებელი გადაწყვეტილების საფუძველზე ინვესტორის ფაქტობრივი გაძევება ქვეყნიდან.

აფბას განცხადებით, კომუნიკაციების კომისიაში კომპანიისათვის სანქციების დასაწესებლად ადმინისტრაციული წარმოება 25 ივნისს გაიმართება. გარიგების გაუქმებასთან დაკავშირებული ვალდებულების შეუსრულებლობის გამო და ამ გადაწყვეტილების მიღების შემთხვევაში, ერთი მხრივ, ქვეყანა აღმოჩნდება ხარისხიანი ინტერნეტის გარეშე დარჩენის საფრთხის წინაშე, ხოლო მეორე მხრივ, მეგობარი ქვეყნის უმსხვილესი ინვესტორი, ფაქტობრივად, გაძევდება საქართველოდან, რაც საკმაოდ უარყოფითი სიგნალი იქნება ინვესტორებისთვის.

ამავდროულად, როგორც ცნობილია, „კავკასუს ონლაინს” კომუნიკაციების კომისიის გადაწყვეტილება გასაჩივრებული აქვს სასამართლოში, შესაბამისად თუ ამ საქმეში რაიმე დარღვევა არსებობს, ეს უნდა გადაწყვიტოს დამოუკიდებელმა მართლმსაჯულების სისტემამ და არა კომუნიკაციების კომისიამ ზეპირი მოსმენის საფუძველზე.

აფბას შეფასებით, ავტორიზაციის შეჩერების შედეგად, კომისიის მიერ მიღებული გადაწყვეტილების შედეგები უარყოფითად აისახება საქართველოს ტელეკომუნიკაციების მთლიან ბაზარზე, რაც თავის მხრივ შეუქცევადად დააზარალებს საბითუმო და საცალო ინტერნეტ მომსახურების მომხმარებლებს ხარისხის ვარდნის გამო და ასევე რთულ ვითარებაში ჩააყენებს ინტერნეტ მომსახურების მომწოდებლებს. ასევე, მათი განცხადებით, ეს გადაწყვეტილება უარყოფითად აისახება კონკურენტულ გარემოზე, ვინაიდან ბაზარზე სამის ნაცვლად მხოლოდ ორი კომპანია დარჩება. ხოლო, კომუნიკაციების კომისია თავადაც ადასტურებს, რომ არ ჩაუტარებია არანაირი კვლევა შესრულებული გარიგების კონკურენციაზე უარყოფითი გავლენის დასამტკიცებლად:

„კომისიის გადაწყვეტილება ცალსახად ეყრდნობა გამოუძიებელ ფაქტებსა და გარემოებებს, რაც ეწინააღმდეგება საქართველოს ელექტრონული კომუნიკაციების შესახებ კანონში მითითებულ შესაბამის დებულებას. პანდემიის გამო შექმნილ მძიმე ეკონომიკურ ვითარებაში ნებისმიერი ინვესტორი და განსაკუთრებით მსხვილი ინვესტორები ჩვენი ქვეყნისთვის უმნიშვნელოვანესნი არიან, თითოეულ მათგანს მოფრთხილება და შესაბამისი პირობების შექმნა სჭირდებათ, მითუმეტეს იმ ფონზე, როდესაც კოვიდ-19 ის ფონდში, აღნიშნულმა ინვესტორმა ერთი მილიონი ლარი გადარიცხა. დარწმუნებული ვართ, ამას ეკონომიკის სამინისტროშიც და ინვესტორთა საბჭოშიც კარგად ხვდებიან და სწორედ ამიტომ, მოვუწოდებთ მათ, კომუნიკაციების კომისიის დაუფიქრებელი გადაწყვეტილების გამო ნუ დააზარალებენ ქვეყანას. ახალგაზრდა ფინანსისტების შეფასებით, მაშინ, როდესაც ინვესტიციები საკმაოდ შემცირებულია ქვეყანაში და იგი ბოლო წლების ისტორიულ მინიმუმზეა, მსგავსი გადაწყვეტილებები კიდევ უფრო მეტად აზიანებს საინვესტიციო გარემოს და უარყოფითად აისახება ქვეყნის იმიჯზე. შესაბამისად, მნიშვნელოვანია, საკითხით დაინტერესდეს ეკონომიკის სამინისტრო და ინვესტორთა საბჭო და დაუფიქრებელი ქმედებების გამო არ დაუშვან უმსხვილესი ინვესტორის ფაქტობრივი გაძევება ქვეყნიდან“, - აღნიშნულია მიმართვაში.

სომხეთ-აზერბაიჯანის კონფლიქტი

სომხეთ-აზერბაიჯანის კონფლიქტი - უახლესი...

ახალი ამბების სააგენტო Pia.ge გაგაცნობთ ყარაბაღის ტერიტორიაზე მიმდინარე სამხედრო...
„მიზნად ვისახავთ, რომ ჩვენი მოქალაქეებისთვის, იმ ადამიანებისთვის, ვისაც სურს ჩართვა ბიზნესში და მეწა...
22:50 22.10
„შიდა ქართლში სეტყვისგან დაცული სასოფლო-სამეურნეო მიწების ფართობი 2021-2024 წლებში 900 ჰექტრით გაიზრ...
22:29 22.10
ქარელში პოლიციამ ჯგუფურად ჩადენილი ყაჩაღობის ბრალდებით, წარსულში ნასამართლევი, 1957 წელს დაბადებული...
22:16 22.10
„განვითარებული რეგიონი ძლიერი ქვეყნის საწინდარია. მომდევნო წლებში ჩვენი გუნდი გააგრძელებს და გააფართ...
22:07 22.10
გოგი მეშველიანი თეთრიწყაროში გოგი მეშველიანი: მოსახლეობის ინტერესების დასა...
„ქართული ოცნების“ ბოლნისის, დმანისის, თეთრიწყაროსა და წალკის მაჟორიტარობის კანდიდატი, გოგი მეშველიან...
2021-2024 წლებში ერთწლოვანი კულტურების პ...
„ერთწლოვანი სასოფლო-სამეურნეო კულტურების პირველადი წარმოების ხელშეწყობისთვის 200...
ლევან დავითაშვილი: ჩაის პლანტაციების რეა...
„ჩაის პლანტაციების რეაბილიტაციის პროგრამისთვის 2020-2024 წლებში 2,5 მილიონი ლარი...
სომხური მხარე: აზერბაიჯანული მხრიდან 10...
სომხეთის თავდაცვის სამინისტროს ინფორმაციით, აზერბაიჯანული ჯარის მხრიდან 10 ათასი...