ამაშუკელის ქუჩაზე მომხდარი აფეთქების შედეგად დაშავებულის მდგომარეობა სტაბილურია. იგი ამ დროისთვის, დამწვრობის ცენტრის რეანიმაციულ განყოფილებაში მკურნალობს.
"მდგომარეობა სტაბილურია. დაზიანებულია სხეულის 25%, არის მეორე-მესამე ხარისხის დამწვრობა, ასევე ეჭვი გვაქვს სასუნთქი გზების დაზიანებაზე, რაც ჯერჯერობით არე გამოვლენილა. დაზიანებულია სახის მიდამო, ზედა და ქვედა კიდურები",- განაცხადა დამწვრობის ცენტრის ხელმძღვანელმა გუგა ქაშიბაძემ.
მისი თქმით, დაშავებული რეანიმაციულ განყოფილებაში კიდევ გარკვეული პერიოდი დარჩება.
ელგუჯა ამაშუკელის ქუჩაზე გაზგასამართი სადგური გუშინ საღამოს საათებში აფეთქდა. შემთხვევას მსხვერპლი არ მოჰყოლია.