მთავარი

ძიება

ვიდეო

ქვიზები

კონტაქტი

აზიურ ფაროსანასთან ბრძოლა შეუფერხებლად გაგრძელდება

ბრძოლა აზიურ ფაროსანასთან

ახალი კორონავირუსის გავრცელების საფრთხის გამო ქვეყანში შექმნილი ვითარების მიუხედავად, გარემოს დაცვისა და სოფლის მეურნეობის მინისტრის ლევან დავითაშვილის დავალებით, აზიურ ფაროსანასთან ბრძოლის ღონისძიებები და სასოფლო-სამეურნეო კულტურების დაცვა მავნებლისგან შეუფერხებლად გაგრძელდება.

ინფორმაციას სოფლის მეურნეობის სამინისტრო ავრცელებს.

აბაშის მუნიციპალიტეტში, სურსათის ეროვნული სააგენტოს ფაროსანასთან ბრძოლის საკოორდინაციო მართვის ცენტრში მობილიზებულია სპეციალიზებული ტექნიკა და პრეპარატები. მცენარეთა დაცვის სპეციალისტებმა დასავლეთ საქართველოში  მონიტორინგის სისტემების დამონტაჟება უკვე  დაიწყეს. 

მავნებელთან ბრძოლის ღონისძიებები ახალი კორონავირუსის გავრცელების პრევენციისათვის შემუშავებული რეკომენდაციებისა და უსაფრთხოების წესების დაცვით მიმდინარეობს.

არსებული ვითარების გათვალისწინებით, მავნებლის საწინააღმდეგოდ დაგეგმილი ღონისძიებები ფაროსანასთან ბრძოლის საკოორდინაციო მართვის ცენტრის ხელმძღვანელმა, ლაშა შალამბერიძემ და აბაშის მუნიციპალიტეტის მერმა, ლევან მაკალათიამ განიხილეს.