საზოგადოება

ბაჩო ოდიშარია: ბიძინა ივანიშვილი პოლიტიკაშიც ქველმოქმედების მიზნით მოვიდა და მხოლოდ ასე შეიძლება მისი დახასიათება -  მისი პირადი და საჯარო ცხოვრების ყველა ცნობილი ეტაპი ქველმოქმედებას უკავშირდება და ასე დარჩება ისტორიაშიც

ვიდეობლოგი გია
ხუხაშვილის სტატუსზე
1610717442
დაკოპირებულია

პირველად, ბიძინა ივანიშვილის ფიგურის მნიშვნელობა, 2011 წელს, ჭაბუა ამირეჯიბისგან შევიტყვე. მის სახლში ერთ-ერთი სტუმრობის დროს, როდესაც ბებიაჩემი და ჭაბუას მეუღლე, ქალბატონი თამრიკო პოლიტიკურ სჯა-ბაასში იყვნენ შეჭრილები, ეგზისტენციურ კითხვაზე თუ როგორ უნდა გადარჩენილიყო ქვეყანა სააკაშვილის რეჟიმისგან, ჭაბუამ, თავის დაფაზე დაწერა - ბიძინა ივანიშვილი, ძახილის ნიშანი. 

იქიდან გამომდინარე თუ რამდენად დიდი ავტორიტეტი იყო ჩემთვის ჭაბუა ამირეჯიბი, მისმა პოზიციამ ავტომატურად გამოიწვია ჩემში დაინტერესება და კეთილგანწყობა ივანიშვილის ფიგურისადმი. იმავე წელს, ბიძინა ივანიშვილი პოლიტიკაში შემოვიდა. მას არ ჰქონია ამის გარდაუვალი აუცილებლობა, შეეძლო ნებისმიერ ქვეყანაში უმაღლესი კომფორტის და ნაკლები თავის სატკივარის გარეშე გაეგრძელებინა ცხოვრება და ქველმოქმედება, ქართული სახელმწიფო ინსტიტუტების, კულტურის თუ საგანმანათლებლო დაწესებულებების დაფინანსებით, რითაც მხოლოდ მადლიერებას მიიღებდა ნებისმიერი პოლიტიკური გემოვნების მქონე ჩვენი მოქალაქისგან. თუმცა ის საკუთარი და ოჯახის სიცოცხლის რისკის ფასად, ჩაება პოლიტიკურ ბრძოლაში და საბოლოოდ დაასრულა ავტორიტარიზმი საქართველოში. კოალიცია ქართულ ოცნებას პირველ რიგში სწორედ მის გამო მივეცი ხმა, რადგან ის იყო ადამიანი, რომელიც გამოვიდა საკუთარი კომფორტის ზონიდან და დაუპირისპირდა რეჟიმს ისე, რომ ამის პირადი საჭიროება არ ჰქონია,- ამის შესახებ ანალიტიკოსი ბაჩო ოდიაშია ვიდეობლოგში „ბაჩო ოდიშარიას რევოლვერი“ საუბრობს.

როგორც ბაჩო ოდიშარია მიიჩნევს, ბიძინა ივანიშვილის მოქმედება იყო არა ინდივიდუალური, არამედ კოლექტიური ინტერესებიდან ნაკარნახები, რაც პოლიტიკური ლიდერისთვის ყველაზე მნიშვნელოვანი და აუცილებელი მახასიათებელი უნდა იყოს.

ანალიტიკოსის თქმით, სწორედ ეს დაინახა ალბათ ჭაბუა ამირეჯიბმაც მასში და შესაძლოა თავის ლიტერატურულ გმირთანაც გაავლო პარალელები, რომელიც უანგაროდ, ხალხის დასახმარებლად, საზოგადოების ფიზიკური თუ მორალური ჩაგვრისგან თავის დასაღწევად ირჩევს მოქმედებას.

„საუბარი, ბიძინა ივანიშვილზე, როგორც პოლიტიკოსზე, არასწორი მგონია, რადგან ის არასოდეს ყოფილა კლასიკური გაგებით პოლიტიკოსი. ეს არ ყოფილა მისი ვნება, ინტერესი, მისწრაფება, ეს იყო მისთვის გარდაუვალი საჭიროება, როგორც ერთი რიგითი ქართველისთვის, რომელმაც დაინახა, რომ მისი ქვეყანა და თანამემამულეები სისტემური ძალადობის მსხვერპლი იყვნენ და ამას მშვიდობიანი ბოლო არ უჩანდა. შესაბამისად, ის პოლიტიკაშიც ქველმოქმედების მიზნით მოვიდა და მხოლოდ ასე შეიძლება მისი დახასიათება, ის არ არის არც პოლიტიკოსი, არც , „entrepreneur“, არც ბიზნესმენი, მისი პირადი და საჯარო ცხოვრების ყველა ცნობილი ეტაპი ქველმოქმედებას უკავშირდება და ასე დარჩება ისტორიაშიც. ეს არის ადამიანი, რომელმაც ყოველგვარი პრივილეგირებული სასტარტო პირობების გარეშე დაიწყო ცხოვრება და ყველა არჩეულ სფეროში, პირნათლად შეასრულა დასახული მიზანი და ყოველ ჯერზე მიაღწია გამარჯვებას, იქნებოდა ეს ფილანტროპია, ბიზნესსაქმიანობა თუ პოლიტიკა. და მიუხედავად ამ მონუმენტური მიღწევებისა, მისთვის მთავარი საზრუნავი იყო არა პირადი, არამედ საჯარო ინტერესები. ის ნებისმიერი სიტუაციაში, რამდენად ბინძურიც არ უნდა ყოფილიყო ოპონენტების ბრძოლის მეთოდები, ინარჩუნებდა ღირსებას და სიმშვიდეს, რითაც ქმნიდა ახალ სტანდარტს პოლიტიკურ დღის წესრიგსა და საჯარო ცხოვრების წესში“,- აცხადებს ბაჩო ოდიშარია.

როგორც ანალიტიკოსი აცხადებს, დღეს, როდესაც ივანიშვილმა უნიკალური აქტით, საკუთარი ქონების 95 პროცენტი საქველმოქმედო ფონდის ანგარიშზე გადაიტანა, ანუ აჩუქა ქვეყანას, ძალაუფლების ზენიტში, გავიდა პოლიტიკიდან და დაუბრუნდა კერძო ცხოვრებას, ამან შერეული გრძნობები დატოვა.

მისი თქმით, ერთის მხრივ, საქართველოს სახელმწიფოს დამზღვევი და რევანშისტული პოლიტიკური ძალების მობრუნებისგან მთავარი ჩამკეტი გამოაკლდა, თუმცა საპირისპიროდ, ქვეყანას დარჩა წელში გამართული დემოკრატია, უპირობო მხარდაჭერა სტრატეგიული პარტნიორი ქვეყნებისგან და საზოგადოება, რომელმაც შეიგრძნო და გამოცადა ნამდვილი დემოკრატიის გემო და ფასი და მის უზურპაციას აღარასოდეს დაუშვებს.

„ბიძინა ივანიშვილი რასაკვირველია გააგრძელებს საქველმოქმედო საქმიანობას, ჩვეულ სტილში, ყოველგვარი აფიშირების და თვითმარკეტინგის გარეშე, მისი წასვლა მხოლოდ პოლიტიკურ დღის წესრიგში ჩაურევლობას ნიშნავს და არა ქართული საზოგადოების ყოველდღიურობიდან დისტანცირებას, ის კვლავ დარჩება აღდგენის, გადარჩენის, შენების ასპარეზზე, როგორც კულტურულ ჭრილში, ისე ინდივიდუალური დახმარების ფლანგზე. ამ ყველაფრისთვის და კიდევ გაცილებით მეტისთვის, რის ჩამოთვლაც ძალიან შორს წაგვიყვანს და ისედაც თითოეული თქვენგანისთვის ცნობილია, ბიძინა ივანიშვილისა და მისი ოჯახისადმი მხოლოდ სამადლობელი სიტყვების და კეთილი სურვილების თქმა გვრჩება“,- ამბობს ბაჩო ოდიშარია.

ეუთოს შენობა

ეუთო/ოდირი არჩევნების შესახებ ანგარიშში...

ეუთო-ს დემოკრატიული ინსტიტუტებისა და ადამიანის უფლებათა ოფისი საქართველოში 2020 წლის 31 ოქტომბერს ჩატარებული საპარლამენტო არჩევნების შესახებ საბოლოო ანგარიშში, საქართველოს ხელისუფლებისთვის, არჩევნებთან დაკავშირებულ 8 რეკომენდაციას ავრცელებს.

საქართველოში საფრანგეთის ელჩის დიეგო კალასის განცხადებით, იმედი აქვს, რომ ევროსაბჭოს პრეზიდენტის შარლ მიშელის ჩართულობით მმართველ გუნდსა და ოპოზიციას შორის დაწყებული მოლაპარაკება მხარეებს ერთიან გადაწყვეტილებამდე მიიყვანს.

1615015970

ოკუპირებული აფხაზეთის ე.წ პრეზიდენტის ყოფილი მრჩევლის, ახრა ავიძბას სახლიდან დიდი ოდენობით იარაღი და ტყვია-წამალია ამოღებული. ამის შესახებ Apsadgil.info იუწყება. 

1615015610

„უკანონო ჩანაწერების მოპოვება, პირად ცხოვრებაში შეჭრა, მათი დამონტაჟება, ფაბრიკაცია ისე, როგორც სააკაშვილს აწყობდა, ეს იყო თავად სააკაშვილისა და მისი ხელისუფლების სტილი და ხელწერა“, - ასე გამოეხმაურა გავრცელებულ აუდიოჩანაწერებს პარლამენტის რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარი.

1615015574

ვიცე-პრემიერი, ფინანსთა მინისტრი ივანე მაჭავარიანი ვირტუალურ ფორმატში შეხვდა საერთაშორისო სავალუტო ფონდის შუა აღმოსავლეთისა და ცენტრალური აზიის დეპარტამენტის დირექტორის მოადგილეს, სუბირ ლალს (Subir Lall) რომელიც „დაფინანსების მექანიზმით მხარდაჭერილი პროგრამის“ დასრულებამდე  ფონდის მისიის ხელმძღვანელის მოვალეობას შეასრულებს. ამის შესახებ ინფორმაციას მთავრობის ადმინისტრაციის პრესსამსახური ავრცელებს. 

1615014735
თბილისის ანძა
მთაწმინდაზე

176 თბილისი, 48 იმერეთი - ეპიდვითარება საქართ...

Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა  19 737 კვლევა ტესტით, მათ შორის 12 307 კვლევა ანტიგენის ტესტით და 7 430 PCR ტესტით.

1615014237
ეუთო/ოდირი 31 ოქტომბრის საპარლამენტო არჩ...

საერთაშორისო სადამკვირვებლო ორგანიზაცია ეუთო/ოდირი საქართველოში 31 ოქტომბერს ჩატარებული არჩევნების შესახებ საბოლოო ანგარიშს აქვეყნებს. 

ირანში თვითმფრინავის გატაცების მცდელობა...

ირანში სამგზავრო თვითმფრინავის გატაცების მცდელობა აღკვეთეს. მომხდართან დაკავშირებით ერთი ადამიანია დაკავებული.ინფორმაციას Aljazeera ავრცელებს. 

1614975863
„ძალიან პერსპექტიულად გამოიყურება ჩინური...

„უნდა აღვნიშნოთ, რომ ჯერჯერობით, მას არ აქვს ჯანმო-ს აღიარება, მაგრამ რამდენიმე თვეში ექნება. ამიტომ, საქართველომ თადარიგი უნდა დაიჭიროს“, – ჩინური ვაქცინის თაობაზე აღნიშნული ალერგოლოგ-იმუნოლოგმა, ბიძინა კულუმბეგოვმა განაცხადა.