დღეს საქართველოში სწავლა დაიწყო
1600145964
დღეს, 15 სექტემბერს საქართველოს ყველა რეგიონში, უმაღლეს სასწავლებლებსა და სკოლებში სწავლა დაიწყო.
ქვეყანაში არსებული ეპიდვითარებიდან გამომდინარე, ზოგიერთ რეგიონში სწავლა 1-ელ ოქტომბრამდე დისტანციურად წარიმართება. ამის შესახებ მთავრობის ადმინისტრაციაში გამართულ ბრიფინგზე პრემიერ-მინისტრმა გიორგი გახარიამ განაცხადა.
დისტანციურ რეჟიმში სწავლას გააგრძელებენ, როგორც უნივერსიტეტებში, ასევე სკოლებში:
- თბილისი
- ბათუმი
- ქუთაისი
- ზუგდიდი
- რუსთავი
- ფოთი
ასევე 14 სექტემბერს გახდა ცნობილი, რომ ეპიდრისკებიდან გამომდინარე სწავლას დისტანციურ რეჟიმში განაგრძობენ შემდეგ სოფლებში:
- ახმეტის მუნიციპალიტეტის სოფელი მატანი
- ჩოხატაურის მუნიციპალიტეტის სოფელი ზოდი და ჩხაკაურა
- გორის მუნიციპალიტეტის სოფელი ქიწნისი
არსებული ინფორმაციით, სწავლა საკლასო აუდიტორიებში პირველ ოქტომბერს განახლდება.
