გიორგი გახარიამ წარადგინა ანგარიში მშვიდად, წყნარად, ისე როგორც ეკადრება სახელმწიფოს პრემიერ მინისტრს - ლევან ნიკოლეიშვილი
1590601631
ექსპერტი ლევან ნიკოლეიშვილი პრემიერ-მინისტრის, გიორგი გახარიას მიერ პარლამენტში წარდგენილ ანგარიშს სოციალურ ქსელში ეხმაურება.
ექსპერტის განმარტებით, გიორგი გახარიამ დღევანდელი ანგარიში ზუსტად ისე წარადგინა, როგორც ეკადრება სახელმწიფოს პრემიერ-მინისტრს:
„ვუსმენდი საქართველოს პარლამენტში პრემიერ-მინისტრის გამოსვლას და იცით როგორი შთაბეჭდილება შემექმნა? ბატონმა გიორგი გახარიამ წარადგინა ანგარიში თუ რა გაკეთდა ქვეყანაში, რა პრობლემები იყო და რა არის გასაკეთებელი... მშვიდად, წყნარად, ისე როგორც ეკადრება სახელმწიფოს პრემიერ მინისტრს. ოპოზიცია, კი გაბრაზდა, გამწარდა კითხვებიც დასვა - მეტწილად პოპულისტური, იყო არა ზრდილობიანიც (უზრდელურიც შემეძლო მეთქვა), ისეთი, რომ ოპოზიცია რომ ხარ და გგონია, რომ ამიტომ შეგიძლია იუზრდელო და იტუტუცო... ძალიან სამწუხაროა, რომ გვყავს ოპოზიცია, რომელიც მხოლოდ პოპულიზმით და მავნებლობითაა დაკავებული, პოლიტიკური ამბიციები და მადა კი ძალიან დიდი აქვს. დასანანია, რომ ეს ხალხი ქვეყნის საკანომდებლო ორგანოს წარმოადგენენ და დეპუტატები ჰქვიათ. ამავდროულად კი სასიხარულოა, რომ გვყავს პრემიერი გიორგი გახარია, რომელსაც შესაშური მოთმინებითა და დახვეწილი მანერით პასუხობს ოპოზიციას. და რაც მთავარია, შესანიშნავი სახელმწიფოს მმართველი და მენეჯერიცაა“, - წერს ნიკოლეიშვილი.
დღეს, 27 მაისს, საქართველოს პრემიერ-მინისტრმა გიორგი გახარიამ კორონავირუსის პანდემიის პირობებში საგანგებო მდგომარეობის დროს მთავრობის მიერ განხორციელებული ღონისძიებების შესახებ პარლამენტში სრული ანგარიში წარადგინა.
