მთავარი

ძიება

ვიდეო

ქვიზები

კონტაქტი

გიორგი ღიბრაძე: რეგულაციებით იქნება განსაზღვრული სამსახურები, რომელთაც დასვენების დღეები არ შეეხებათ

გიორგი ღიბრაძე

„აღნიშნულ მომენტში, არანაირი დამატებითი ღონისძიებების შემოღებაზე საუბარი არ ყოფილა, თუმცა, გამომდინარე არსებული ეპიდემიოლოგიური ვითარებიდან, რომლის განხილვაც ყოველდღიურ რეჟიმში ხდება, იქნება მიღებული გადაწყვეტილება დამატებით ზომებთან დაკავშირებით,“ - ამის შესახებ, უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ, მთავრობის ადმინისტრაციაში გამართულ ბრიფინგზე განაცხადა.

ოპერაციული შტაბის უფროსმა დასვენების დღეებთან დაკავშირებით ჟურნალისტების შეკითხვას უპასუხა და აღნიშნა, რომ ქვეყანაში არსებობს ისეთი სამსახურები, რომელთა მუშაობაც აუცილებელია ქვეყნის გამართულად ფუნქციონირებისთვის, შესაბამისად, რეგულაციებით იქნება განსაზღვრული სამსახურები, რომელთაც დასვენების დღეები არ შეეხებათ.

„რაც შეხება დასვენების დღეებს, მოგეხსენებათ, რომ ქვეყანაში არსებობს ისეთი სამსახურები, რომელთა მუშაობაც აუცილებელია ქვეყნის გამართულად ფუნქციონირებისთვის, შესაბამისად, რეგულაციებით იქნება განსაზღვრული სამსახურები, რომელთაც არ შეეხებათ დასვენების დღეები.

არის სამი სამინისტროს მიერ შემუშავებული ერთობლივი ბრძანება. ამ ბრძანებაზე მუშაობა მიმდინარეობს და უახლოეს მომავალში ეს ბრძანება იქნება საჯარო“, - განაცხადა გიორგი ღიბრაძემ.

აგრეთვე წაიკითხეთ:👇

👉„კომენდანტის საათი“ კვლავ ძალაში რჩება

👉30 აპრილს საქართველო „ასტრაზენეკას“ ვაქცინის 46 000 დოზას მიიღებს

👉კიდევ უფრო მკაცრად გაკონტროლდება პირბადის სწორად მოხმარება და დისტანციის დაცვა