გურჯაანში 51 წლის კაცი დაჭრეს
1601448030
გურჯაანის მუნიციპალიტეტის სოფელ ჭანდარში 51 წლის კაცი დაჭრეს.
მას ჭრილობა ქვედა კიდურის არეში ცეცხლსასროლი იარაღიდან აქვს მიყენებული.
წინასწარი ინფორმაციით, დაპირისპირება ყოფით ნიადაგზე საკუთარ ნათესავთან მოხდა. დაჭრილი გურჯაანის „ჯეოჰოსპიტალსის“ კლინიკაშია გადაყვანილი, სადაც ამ წუთებში შესაბამისი სამედიცინო კვლევა უტარდება.
ჭანდარში მომხდარ ფაქტზე გამოძიება სსკ-ის 117-ე მუხლით დაიწყო. რაც სხეულის განზრახ მძიმე დაზიანებას გულისხმობს. ბრალდებული პოლიციამ დააკავა, მიმდინარეობს საგამოძიებო ღონისძიებები.
