ინდოეთიდან საქართველოში 15 მოქალაქე დაბრუნდება
1590495132
ინდოეთში ჩარჩენილი საქართველოს მოქალაქეები, რომლებიც კორონავირუსის პანდემიის გამო სამშობლოში დაბრუნებას ვერ ახერხებდნენ “Vande Bharat Mission”-ის პროგრამის ფარგლებში, 2020 წლის 27 მაისს დელი-თბილისი-დელის ავიარეისით საქართველოში დაბრუნდებიან.
ინდოეთის საგარეო საქმეთა სამინისტროსთან შეთანხმებით და კოორდინაციით, 2020 წლის 27 მაისს, ავიაკომპანია Air India-ს რეისით სამშობლოს დუბრუნდება 15 მოქალაქე. საქართველოს მოქალაქეებთან ერთად, საქართველოში გამოფრინდება ინდოეთში მყოფი აზერბაიჯანის 18 მოქალაქეც.
ინდოეთის გოას, რაჯასტანისა და მაჰარაშტრას შტატებიდან საქართველოს და აზერბაიჯანის მოქალაქეების ტრანსპორტირება ქ. დელიში მოხდა საელჩოს მიერ სპეციალურად დაქირავებული ავტობუსით.
მსოფლიოში კორონავირუსის გავრცელების გამო საქართველოსა და ინდოეთში საგანგებო მდგომარეობის გამოცხადების შემდეგ, საქართველოს საელჩოს ხელშეწყობით დახმარება გაეწია ინდოეთის სხვადასხვა შტატში მყოფ საქართველოს 43 მოქალაქეს. ინდოეთის მხარესთან კოორდინაციით, ყველა მოქალაქეს საელჩომ ხელი შეუწყო სავიზო პროცედურების მოგვარების საკითხში.
