კახეთში სეტყვასაშიში პროცესები გაანეიტრალეს
1600249727
15 სექტემბერს სეტყვის საწინააღმდეგო სისტემის მუშაობის შედეგად კახეთის 4 რაიონში სეტყვასაშიში პროცესები განეიტრალდა. ამის შესახებ ინფორმაციას ბუნებრივ მოვლენებზე აქტიური ზემოქმედების ცენტრი ავრცელებს.
მათივე ცნობით, 209 კმ2 საერთო ფართობის მქონე შიდამასიური ტიპის ღრუბლის მასებმა რეგიონში დღის მეორე ნახევარში დაიწყო ჩამოყალიბება.
„კრიტიკულ ეტაპზე სეტყვის მოსვლის ალბათობამ 100 % შეადგინა, მოსალოდნელი მარცვლების ზომა 42,6 მმ იყო. ბუნებრივ მოვლენებზე აქტიური ზემოქმედების ცენტრის მიერ, ახმეტის, საგარეჯოს, გურჯაანის და სიღნაღის რაიონებში 17:32 სთ-დან 23:28 საათამდე ღრუბლის მასები რამდენიმე ეტაპად დამუშავდა. გასროლილი იქნა 150 ერთეულამდე რაკეტა
სარაკეტო დამუშავების შედეგად ნალექის დიდი ნაწილი წვიმის სახით ჩამოიცალა, მცირე რაოდენობის სეტყვის მოსვლა სიღნაღის რაიონში სროლისთვის შეზღუდულ სექტორში დაფიქსირდა“, - აღნიშნულია გავრცელებულ ინფორმაციაში.
ბუნებრივ მოვლენებზე აქტიური ზემოქმედების ცენტრის მიერ მონიტორინგი 24 საათიან რეჟიმში გრძელდება.
