მსახიობ კახი კავსაძეს კორონავირუსი დაუდასტურდა. ამის შესახებ ინფორმაცია ახალი ამბების სააგენტო Pia.ge-ს მისმა შვილმა, ნანუკა ხუსკივაძემ დაუდასტურა.
პირველი საუნივერსიტეტო კლინიკის დირექტორის ლალი ტურძელაძის ინფორმაციით, მსახიობის მდგომარეობა მძიმეა.
„ბატონი კახი მძიმედ არის, აპარატზეა“, - აცხადებს ლალი ტურძელაძე Pia.ge-თან საუბრისას.
ცნობისთვის, მსახიობი კახი კავსაძე საავადმყოფოში 28 ნოემბერს გადაიყვანეს.
საქართველოს სახალხო არტისტი 85 წლის გახლავთ.