მთავარი

ძიება

ვიდეო

ქვიზები

კონტაქტი

ყაზბეგის მუნიციპალიტეტში საავტომობილო გზის რეაბილიტაცია დასრულების ეტაპზეა

გზის რეაბილიტაცია

ყაზბეგის მუნიციპალიტეტში დაბა სტეფანწმინდის ცენტრალური მოედნისა და საავტომობილო გზის რეაბილიტაცია დასრულების ეტაპზეა. ამის შესახებ ინფორმაციას ყაზბეგის მუნიციპალიტეტის მერიის საზოგადოებასთან ურთიერთობის სამსახური ავრცელებს.

მათივე ცნობით, სამუშაოების მიმდინარეობას ყაზბეგის მერი - ალექსანდრე ზაგაშვილი, მცხეთა-მთიანეთის სახელმწიფო რწმუნებულ შალვა კერესელიძესთან და მერის მოადგილე დავით ქირიკაშვილთან ერთად ადგილზე გაეცნო.

„სარეაბილიტაციო არეალში, რომლის სიგრძეც დაახლოებით ორი კილომეტრია პროექტით გათვალისწინებული ძირითადი სამუშაოები ჩატარებულია. ტერიტორიაზე ახალი ორ საფარიანი ასფალტი იგება. პროექტს რეგიონალური განვითარებისა და ინფრასტრუქტურის სამინისტროს საავტომობილო გზების დეპარტამენტი ახორციელებს. ყაზბეგის მუნიციპალიტეტში საგზაო ინფრასტრუქტურის მოწყობის სამუშაოები მიმდინარე წელს სხვადასხვა მიმართულებით აქტიურად განხორციელდება. აღნიშნული გზის სარეაბილიტაციო სამუშაოებს კომპანია „ერ ტე დე“ ასრულებს. ადგილობრივი ხელისუფლება შესაბამის უწყებებთან ერთად მუშაობს, რომ მუნიციპალიტეტში მიმდინარე პროექტები ხარისხიანად და გათვალისწინებულ ვადებში შესრულდეს“, - აღნიშნულია ინფორმაციაში.