ჰასან ღალილი: დახმარების ცხელი ხაზი მოიტანს პოზიტიურ ცვლილებებს ბავშვების ცხოვრებაში
1591022433
„ეს მოიტანს პოზიტიურ ცვლილებებს ბავშვების ცხოვრებაში“, - ასე შეაფასა გაეროს ბავშვთა ფონდის წარმომადგენელმა საქართველოში ჰასან ღალილიმ ბავშვის დახმარების ცხელი ხაზის ამოქმედება საქართველოში.
„დღეს, იმ რთულ დროებაში, კორონავირუსის პანდემიის დროს, ჩვენ მოხარულები ვართ, რომ პარტნიორობას ვუწევთ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტსა და ჯანდაცვის სამინისტროს ცხელი ხაზის მიმართულებით, რომელიც ოჯახებს პრაქტიკული დახმარებით უზრუნველყოფს. ჩვენ ყოველდღიურ მონიტორინგს გავუწევთ შედეგებს და მოხარულები ვართ, რომ ოჯახებს დაუყოვნებლივი და შესაბამისი დახმარება ეწევა“, - აღნიშნულის შესახებ გაეროს ბავშვთა ფონდის წარმომადგენელმა საქართველოში ჰასან ღალილიმ განაცხადა.
მისი თქმით, გარდა ამისა, პარლამენტის ადამიანის უფლებათა დაცვისა და სამოქალაქო ინტეგრაციის კომიტეტს, ჯანდაცვის სამინისტროსთან ერთად, „იუნისეფი“იმ ახალგაზრდებს, რომლებსაც აზარტული თამაშებსა და ნარკოტიკული საშუალებების მოხმარების პრობლემა აქვთ, დამატებით ფსიქოლოგებთან უფასო მომსახურების მიღებას სთავაზობს.
