ქუთაისის ინფექციურ საავადმყოფოს კორონავირუსისგან გამოჯანმრთელებული პირველი პაციენტი ჰყავს.
ახალგაზრდა მამაკაცი სამედიცინო დაწესებულებას ხვალ დატოვებს.
მისთვის ჩატარებულმა საკონტროლო ტესტმა ვირუსის არსებობა არ დაადასტურა.
ქუთაისის ინფექციურ საავადმყოფოში ამ დროისათვის კორონავირუსით ინფიცირებული 10 პაციენტია მოთავსებული. სამედიცინო დაწესებულებაში დადასტურებული COVID- 19-ით ახალ პაციენტებს ელოდებიან თერჯოლიდან და სვანეთიდან.