მიმდინარე წელს, მარნეულის მუნიციპალიტეტში, სკოლების მშენებლობა რეაბილიტაციის მიმართულებით მასშტაბური სამუშაოები მიმდინარეობს. ინფორმაციას მარნეულის მუნიციპალიტეტის მერიის საზოგადოებასთან ურთიერთობის სამსახური ავრცელებს.
მათივე ცნობით, მუნიციპალური განვითარების ფონდის დაფინანსებით, 8 ახალი საჯარო სკოლა აშენდება, ხოლო 3-ის სრული რეაბილიტაცია განხორციელდება.
„ახალი სკოლების მშენებლობის პროცესი აქტიურად მიმდინარეობს სოფელ ხულდარაში, შულავერში, ჯანდარში, ცოფში, კასუმლოში, ჩანახჩსა და ქუთლიარში. სოფელ საბირკენდში სკოლის შენობის მშენებლობისთვის ტენდერი კი უკვე გამოცხადდა; ძირებული რეაბილიტაცია ჩაუტარდებათ - სოფელ კაპანახჩის, ყულარისა და ყიზილაჯლო №1 საჯარო სკოლას. აღსანიშნავია, რომ ქვეყნის მასშტაბით მუნიციპალური განვითარების ფონდი, 59 ახალ სკოლას აშენებს და 80-ზე მეტი სკოლის კაპიტალურ რეაბილიტაციას ახორციელებს. ყველა პროექტი ახალი სკოლის სტანდარტს შეესაბამება, რომლის ფარგლებშიც ეწყობა საკლასო ოთახები და ლაბორატორიები, სააქტო დარბაზები, სპორტული მოედნები, სასადილო და სხვა აუცილებელი ინფრასტრუქტურა“, - აცხადებენ მარნეულის მერიაში.