მთავარი

ძიება

ვიდეო

ქვიზები

კონტაქტი

პრეზიდენტმა ფაშიზმზე გამარჯვების დღესთან დაკავშირებით უცნობი ჯარისკაცის მემორიალი ყვავილებით შეამკო

ჯარისკაცების მემორიალთან ყვავილები

პრეზიდენტმა სალომე ზურაბიშვილმა ფაშიზმზე გამარჯვების დღესთან დაკავშირებით, ვაკის პარკში უცნობი ჯარისკაცის მემორიალი ყვავილებით შეამკო და მეორე მსოფლიო ომში დაღუპულთა ხსოვნას პატივი მიაგო.

მეორე მსოფლიო ომის დასრულებიდან 75 წლისთავთან და ევროკავშირის იდეის დაბადებიდან 70 წლისთავთან დაკავშირებით დღეს საქართველოს პრეზიდენტმა მიმართვა გაავრცელა, მეორე მსოფლიო ომის ვეტერანებს აღნიშნული თარიღი მიულოცა და აღნიშნა, რომ სწორედ მეორე მსოფლიო ომის შემდეგ ჩაეყარა საფუძველი მშვიდობისა და კეთილდღეობისთვის თანამშრომლობისა და სოლიდარობის სრულიად ახალ ფორმატს ევროპაში - ევროკავშირს.

პრეზიდენტი უცნობი ჯარისკაცის საფლავზე თავდაცვისა და უსაფრთხოების საკითხებში მრჩეველთან გელა გიორგაძესთან ერთად იმყოფებოდა.