რეკომენდაციები ღია და დახურული ტიპის აუზებისთვის
1593941487
ჯანდაცვის სამინისტრომ ყველა ტიპის ღია და დახურული აუზებისთვის რეკომენდაციები შეიმუშავა.
1 ადამიანი დაიშვება მხოლოდ აუზის 6მ2 ფართობზე.
ვიზიტორების გადაადგილება მოხდება მხოლოდ ფუნქციური სქემით - გარდერობი, გასახდელი, საშხაპე, ფეხის აბაზანა, აუზის აბაზანა.
დაუშვებელია აუზში შესვლა აუზის საშხაპის გავლის გარეშე.
დიდი ზომის აუზებში წყლის განახლება მოხდება 8საათში ერთხელ, რეცირკულაციის ხარჯზე. მცირე აუზებში წყლის გამოცვლა დასაშვებია წყლის უწყვეტი ნაკადით, რომლის შეცვლის დრო არა უმეტეს 24 საათია.
შეზლონგი გამოყენებამდე/გამოყენების შემდგომ, დამუშავდება სადეზინფექციო ხსნარით.
მომხმარებლისთვის განკუთვნილი იქნება ინდივიდუალური პირსახოცი - ერთჯერადი შეფუთვით. სარგებლობის შემდეგ პირსახოცი დარჩება ადგილზე.
მომსახურე პერსონალი აღჭურვილი იქნება ხელთათმანებით, ნიღბით, სპეცფეხსაცვლითა და ხალათით, პირსახოცებს შეაგროვებს ერთჯერად პარკში და განათავსებს კონტეინერში.
შეზლონგებს შორის დაცული იქნება არანაკლებ 2 მეტრიანი დისტანცია. გამონაკლისი ვრცელდება 12 წლამდე მოზარდებზე.
აიკრძალება შეზლონგებისთვის განკუთვნილი რბილი, შეწოვადი გადასაფარებლების გამოყენება.
გასახდელებსა და საშხაპეებს ხშირი დეზინფექცია ჩაუტარდებათ.
შეგახსენებთ, საცურაო აუზები პანდემიის გამო მარტის შუა რიცხვებში დაიკეტა. ამ ეტაპზე უცნობია ზუსტი თარიღი, როდის გაიხსნება ისინი.
