მიმდინარე კვირის განმავლობაში საქართველოში თბილი ამინდი შენარჩუნდება. ამის შესახებ გარემოს ეროვნული სააგენტო იტყობინება.
სააგენტოს ცნობით, 27-30 ოქტომბერს დასავლეთ საქართველოში თბილი და უნალექო ამინდი იქნება. ჰაერის ტემპერატურა +25, +30 გრადუსი დაფიქსირდება.
28–29 ოქტომბერს აღმოსავლეთ საქართველოს ცალკეულ რაიონში შესაძლოა მცირე წვიმა და ნისლი აღინიშნოს, დანარჩენ დღეებში კი უმეტესად უნალექო ამინდია მოსალოდნელი. ჰაერის ტემპერატურა +19, +24 გრადუსი დაფიქსირდება.
31 ოქტომბერს საქართველოს ზოგიერთ რაიონში გაწვიმდება.
ამინდი თბილისში
👉 დედაქალაქში 27 და 29-31 ოქტომბერს უნალექო ამინდი იქნება, ჰაერის ტემპერატურა +22, +24 გრადუსი დაფიქსირდება.
28 ოქტომბერს მცირე წვიმა და ნისლია მოსალოდნელი, ტემპერატურა კი +18 გრადუსამდე დაიკლებს.