საკონტროლო-გამშვები პუნქტები თელავსა და ახალციხესთანაც მოეწყობა
1585644627
"საკონტროლო-გამშვები პუნქტები თელავსა და ახალციხესთანაც მოეწყობა",-ამის შესახებ პრემიერის პრესსპიკერმა ირაკლი ჩიქოვანმა ბრიფინგზე განაცხადა.
გადაწყვეტილება უწყებათაშორისი საკოორდინაციო საბჭოს დღევანდელ სხდომაზე, ქვეყანაში კორონავირუსის გავრცელების პრევენციის მიზნით მიიღეს.
საქართველოს მასშტაბით საკონტროლო-გმაშვები პუნქტები ჯამში 9 ქალაქის შესასვლელებთან იმოქმედებს.
პოლიცია და სამხედროები უკვე აკონტროლებენ თბილისის, ბათუმის, ქუთაისის, რუსთავის, ფოთის, ზუგდიდისა და გორის ადმინისტრაციულ საზღვრებთან არსებულ საკონტროლო-გამშვები პუნქტებს.
