შავი ზღვის სანაპირო ზოლზე სეზონის გახსნიდან დღემდე მაშველებმა 176 მოქალაქე გადაარჩინეს. ამის შესახებ ინფორმაციას საგანგებო სიტუაციების მართვის სამსახური ავრცელებს.
მათივე ცნობით, გადარჩენის ოპერაცია 21 შემთხვევაში 4-ბალიანი შტორმის დროს ჩატარდა. ამავდროულად, გადარჩენილებს შორის 88 არასრულწლოვანია. ასევე მაშველებმა სანაპირო ზოლზე დაკარგული 32 ბავშვი იპოვეს.
„შინაგან საქმეთა სამინისტროს საგანგებო სიტუაციების მართვის სამსახური მოგიწოდებთ - დაემორჩილოთ მაშველების მითითებებს. არ შეხვიდეთ წყალში შტორმის დროს. არ შეხვიდეთ წყალში არაფხიზელ მდგომარეობაში და ნაბახუსევზე. არ დატოვოთ ბავშვები უყურადღებოდ“, - ნათქვამია საგანეგებო სიტუაციების მართვის სამსახურის განცხადებაში.