შეზღუდვები, რომელიც პირველი თებერვლიდან იხსნება
1612122552
მთავრობის უწყებათაშორისი საკოორდინაციო საბჭოს გადაწყვეტილებით, პირველი თებერვლიდან ქვეყანაში რიგი შეზღუდვები იხსნება.
PIA.GE გაგაცნობთ ყველა შეზღუდვას, რომელიც ხვალიდან მოიხსნება:
✔️ ბათუმში, ზუგდიდში, გორში, ფოთსა და თელავში აღდგება მუნიციპალური ტრანსპორტისა და სავაჭრო ცენტრების მუშაობა.
✔️ აჭარაში კვების ობიექტების ღია სივრცეები გაიხსნება.
✔️ მთელი ქვეყნის მასშტაბით, თბილისის, ქუთაისისა და რუსთავის გარდა, სკოლებში სწავლა აღდგება.
✔️ რეგულარული ფრენებზე შეზღუდვა მოიხსნება.
✔️ თბილისში, ქუთაისსა და რუსთავში მუშაობას განაახლებენ მაღაზიები და სავაჭრო ცენტრები.
ინფორმაციისთვის, ყველა ტიპის სავაჭრო ობიექტი, 30-ზე მეტი თანამშრომლით, მათ შორის ბაზრობები, ვალდებული იქნებიან, უზრუნველყონ 2 კვირაში ერთხელ თანამშრომელთა არანაკლებ 20%-ის ტესტირება. აუცილებელია პირბადის, მომხმარებელთა ნაკადების, რიგების და დისტანციის მართვა, რაც მკაცრად გაკონტროლდება.
კვების ობიექტებისთვის სავალდებულო იქნება 2 კვირაში ერთხელ თანამშრომლების 50%-ის ტესტირება,
ორ კვირაში ერთხელ განხორციელდება მასწავლებელთა სისტემური ტესტირება.
ბიზნესს საშუალება აქვს დარეგისტრირდეს სპეციალურ პორტალზე - www.labour.moh.gov.ge და ინტენსიური ტესტირების ფარგლებში, 1-ელ მარტამდე, სახელმწიფო დაფინანსებით, უფასოდ გატესტოს თანამშრომლები.
