საზოგადოება

სპეცოპერაცია წერეთელზე - უახლესი ამბები

სპეცოპერაცია წერეთლის
გამზირზე
1605879116
დაკოპირებულია

🔴 წერეთლის გამზირზე სპეცოპერაცია მიმდინარეობს.

🔴 თავმდამსხმელი მიკროსაფინანსო ორგანიზაციაში შეიჭრა. 

🔴 მან მძევლად 9 ადამიანი აიყვანა.

🔴 მიმდებარე ტერიტორიაზე დაიკეტა სავაჭრო მაღაზიები.

🔴 ახალი ამბების სააგენტო Pia.ge აღნიშნულ ფაქტთად დაკავშირებით უახლეს ინფორმაციებს გთავაზობთ.

Breaking News 👇

20.11.2020 - 20:52 მიკროსაფინანსო ორგანიზაციაზე თავდამსხმელს 9 წლამდე თავისუფლების აღკვეთა ემუქრება

პოლიციამ წერეთლის გამზირზე მდებარე მიკროსაფინანსო ორგანიზაციაზე თავდამსხმელი დააკავა.

შსს-ს ინფორმაციით, გამოძიება „სისხლის სამართლის კოდექსის“ ორი მუხლით მიმდინარეობს:

სსკ-ის 179-ე მუხლი, რაც გულისხმობს ყაჩაღობას. ისჯება თავისუფლების აღკვეთით ვადით 5-დან 9 წლამდე.

სსკ-ის 236-ე მუხლით, რაც გულისხმობს ცეცხლსასროლი იარაღის მართლსაწინააღმდეგო შეძენა-შენახვა-ტარებას. ისჯება თავისუფლების აღკვეთით ვადით 2-დან 7 წლამდე.

შესაბამისად, თავდამსხმელს 9 წლამდე თავისუფლების აღკვეთა ემუქრება.

20.11.2020 - 20:11 მიკროსაფინანსოზე თავდამსხმელი დააკავეს (ვიდეო)

პოლიციამ წერეთლის გამზირზე, მიკროსაფინანსო ორგანიზაციაზე თავდამსხმელი დააკავა. ამის შესახებ საპატრულო პოლიციის დეპარტამენტის ხელმძღვანელმა ვაჟა სირაძემ განაცხადა.

მისივე თქმით, მძევლები გათავისუფლებულები არიან და თავს კარგად გრძნობენ. ისინი გამოკითხვაზე იმყოფებიან. ამ ეტაპზე მიმდინარეობს საგამოძიებო მოქმედებები.

20.11.2020 - 19:56 მიკროსაფინანსო ორგანიზაციაზე თავდამსხმელმა 6 მძევალი გაათავისუფლა

წერეთლის გამზირზე მდებარე საფინანსო ორგანიზაციაში მყოფი 9 მძევლიდან თავდამსხმელმა 6 გაათავისუფლა.

თავდამსხმელთან მოლაპარაკების შედეგად, მძევლების ნაწილი შენობას ეტაპობრივად ტოვებს. მძევლებს შორის იყო ორი ხანშიშესული მამაკაცი და ერთი ახალგაზრდა ქალი.

20.11.2020 - 19:22 ნათელაშვილი: მოვუწოდებ ხელისუფლებას, მძარცველის მოთხოვნები დააკმაყოფილოს

„ლეიბორისტული პარტიის“ ლიდერი შალვა ნათელაშვილი ხელისუფლებას მოუწოდებს, მიკროსაფინანსო ორგანიზაციაზე სავარაუდო თავდამსხმელის მოთხოვნები დააკმაყოფილოს.

„ჩვენც ამას ვითხოვთ წლებია: აზარტული თამაშების აკრძალვა, ბანკებში სესხის წლიური მაქსიმალური ზღვარი 7 პროცენტი, პენსიონერებისთვის წამლები ხელმისაწვდომ ფასებში.

ხელისუფლებას მოვუწოდებ დააკმაყოფილოს მძარცველის მოთხოვნები“,- აცხადებს შალვა ნათელაშვილი.

20.11.2020 - 18:52 ვინ არის მიკროსაფინანსოზე თავდამსხმელი - ფოტო/ვიდეო

levan-zurabishvili_o_h.jpeg

წერეთლის გამზირზე, მიკროსაფინანსო ორგანიზაციაზე თავდამსხმელი სავარაუდოდ ლევან ზურაბიშვილია.

მისი „ფეისბუქის“ მონაცემებით, ლევან ზურაბიშვილი 31 წლისაა.

თავდამსხმელმა მიკროსაფინანსო ორგანიზაციაში შეჭრის შემდეგ სოციალურ ქსელში „ლაივიც“ ჩართო. ის სავარაუდოდ არაფხიზელ მდგომარეობაში იმყოფება.

20.11.2020 - 18:36 რა მოთხოვნები აქვს მიკროსაფინანსო ორგანიზაციაზე თავდამსხმელს? - (ვიდეო)

არსებული ინფორმაციით, სავარაუდო თავდამსხმელი ლევან ზურაბიშვილი გავრცელებულ ვიდეომიმართვაში თავის მოთხოვნებს აყენებს.

„სესხზე პროცენები 7-მდე დაიწიოს, შემცირდეს ფასები მედიკამენტებზე და გაუქმდეს აზარტული თამაშები“ - ეს არის ის მოთხოვნები, რომელსაც სავარაუდო თავდამსხმელი თავის ვიდეომიმართვაში აჟღერებს. ნახეთ ვიდეო 👇


20.11.2020 - 18:34 მიკროსაფინანსოზე თავდამსხმელი, სავარაუდოდ, არაფხიზელ მდგომარეობაშია

წერეთლის გამზირზე, მიკროსაფინანსო ორგანიზაციაზე თავდამსხმელი სავარაუდოდ ლევან ზურაბიშვილია და ის არაფხიზელ მდგომარეობაში იმყოფება.

მას სამი მთავარი მოთხოვნა აქვს:

🔵 სესხების 7%-მდე დაკლება

🔵 მედიკამენტებზე ფასების კლება

🔵 აზარტული თამაშების გაუქმება

20.11.2020 - 18:27 კორპუსში, სადაც მიკროსაფინანსოა, მოსახლეობის ევაკუაცია მიმდინარეობს

წერეთლის გამზირზე, საცხოვრებელ კორპუსში, სადაც მიკროსაფინანსო ორგანიზაცია „ემბისი“ მდებარეობს, მოსახლეობის ევაკუაცია მიმდინარეობს.

მიმდებარე ტერიტორიაზე უსაფრთხოების წესებიგან გამომდინარე დაიხურა ყველა სავაჭრო ობიექტი. შემთხვევის ადგილი ყვითელი ლენტით არის შემოსაზღვრული.

20.11.2020 - 18:05 მიკროსაფინანსო ორგანიზაციაზე სავარაუდო თავდამსხმელის კადრები (ვიდეო)

რამდენიმე წუთის წინ გავრცელდა კადრები, სადაც მიკროსაფინანსო ორგანიზაცია „ემბისი-ზე“ სავარაუდო თავდამსხმელი ჩანს.

როგორც კადრებშია აღბეჭდილი აღნიშნული პიროვნება მობილურზე საუბრობს და სავარაუდოდ ხელყუმბარა უჭირავს.

20.11.2020 - 17:52 მიკროსაფინანსო ორგანიზაცია „ემ ბი სი“ ოფიციალურ ინფორმაციას ავრცელებს

„გვინდა გავაკეთოთ განცხადება ამ მომენტში მიმდინარე მოვლენებთან დაკავშირებით: ჩვენი კომპანია სრულ კოორდინაციაშია შინაგან საქმეთა სამინისტროსთან, ვმოქმედებთ მათი მითითებების შესაბამისად. ჩვენი შესაძლებლობების ფარგლებში გავაკეთებთ ყველაფერს, რომ პროცესი მშვიდობიანად დასრულდეს.
შექმნილ მდგომარეობაში, თანამშრომლების ჯამრთელობა და უსაფრთხოება "ემბისი"-ს უპირველესი ამოცანაა!“, - არნიშნულია გავრცელ;ებულ განცხადებაში.

20.11.2020 - 17:51 თვითმხილველი: სავარაუდოდ ხელყუმბარით არის შეიარაღებული

თვითმხილველის თქმით, თავდამსხმელს სავარაუდოდ ხელყუმბარა აქვს.

თვითმხილველს ზუსტად უჭირს საუბარი თუ რამდენი თავდამსხმელია მიკროსაფინანსო ორგანიზაციაში.

„შიგნით არის ვიღაც, ტელეფონით საუბრობს, ძალიან გაბრაზებული იყო, ხელში რაღაც ეჭირა, გადიოდა და გამოდიოდა, ერთი მძევალი გამოუშვა. როგორც ითქვა ერთი მძევალი გამოუშვეს, ვერ გეტყვით ზუსტად რამდენი თავდამსხმელია. ამბობენ, რომ სავარაუდოდ ხელყუმბარა აქვს თან“, - ამბობს თვითმხილველი სატელევიზიო ეთერში.

20.11.2020 - 17:50 ვაჟა სირაძე: მიკროსაფინანსოში 9 მძევალი და 1 შეიარაღებული პირია

საპატრულო პოლიციის დეპარტამენტის უფროსის ვაჟა სირაძის ინფორმაციით, წერეთლის გამზირზე, ერთ-ერთ მიკროსაფინანსო ორგანიზაციაში 1 თავდამსხმელია შეჭრილი, რომელსაც 9 მძევალი ჰყავს აყვანილი.

„რაც შეეხება შეიარაღებას, დაზუსტებულ ინფორმაციას ვერ მოგახსენებთ“, - აღნიშნა ვაჟა სირაძემ.

მისი თქმით, გამოძიება დაწყებულია ყაჩაღობის და ცეცხლსასროლი იარაღის უკანონო ტარების ფაქტზე.

ვაჟა სირაძემ, მოუწოდა მედიას, გათიშონ პირდაპირი ჩართვები, რათა სამართალდამცველებს მუშაობაში ხელი არ შეეშალოთ.

20.11.2020 - 17:44 შსს წერეთლის სპეცოპერაციასთან დაკავშირებით სპეციალურ განცხადებას ავრცელებს

„პოლიცია მობილიზებულია თბილისში, აკაკი წერეთლის გამზირზე ერთ-ერთი მიკროსაფინანსო ორგანიზაციის ოფისთან. პირველადი ინფორმაციით ოფისში შეიარაღებული პირი არის შეჭრილი.

თავდასხმის შესახებ შეტყობინების მიღებისთანავე პოლიციის თანამშრომლებმა, მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია. ამჟამად ადგილზე მობილიზებული სამართალდამცველები ატარებენ ყველა საჭირო და გადაუდებელ ღონისძიებას, ასევე მიმდინარეობს საგამოძიებო და ოპერატიული ღონისძიებები.

შინაგან საქმეთა სამინისტრო მოუწოდებს მედიის წარმომადგენლებს დაიცვან უსაფრთხოების ნორმები, თავი შეიკავონ როგორც უშუალოდ შემთხვევის ადგილზე მიმდინარე მოვლენების ტირაჟირებისგან, ასევე, გადაუმოწმებელი ინფორმაციის გავრცელებისგან.

ცეცხლსასროლი იარაღის მართლსაწინააღმდეგო შეძენა-შენახვა-ტარებას და ყაჩაღობას ფაქტზე გამოძიება სისხლის სამართლის სამართლის კოდექსის 236-ე და 179-ე მუხლებით დაიწყო“, - აღნიშნულია შსს-ს მიერ გავრცელებულ ინფორმაციაში.

20.11.2020 - 17:33 გავრცელებული ინფორმაციით, მიკროსაფინანსო ორგანიზაციაში მძევლად 10 ადამიანი ჰყავთ აყვანილი

როგორც ინფორმაცია ვრცელდება, თავდამსხმელებს მძევლად 10 ადამიანი ჰყავთ აყვანილი, ერთი ადამიანი კი გაუშვეს.

ადგილზე მობილიზებულია საპატრულო პოლიცია.

კორპუსში, სადაც მიკროსაფინანსო ორგანიზაცია მდებარეობს ხალხის ევაკუაციას გეგმავენ.

20.11.2020 - 17:08 წერეთლის მეტროსთან სამართალდამცველები არიან მობილიზებულები

არსებული ინფორმაციით, წერეთლის გამზირზე მდებარე მიკროსაფინანსო ორგანიზაცია „ემბისის” შენობაში შეიარაღებული პირი შეიჭრა. შემთხვევა 20 ნოემბერს, დაახლოებით, 17:00 საათზე მოხდა.

ტერიტორია ყვითელი ლენტით არის შემოსაზღვრული.

წერეთლის გამზირზე მიკროსაფინანსო ორგანიზაცია „ემბისი“-ს შენობასთან პოლიციაა მობილიზებული. გავრცელებული ინფორმაციით, შენობაში შეიარაღებული პირია, სადაც თანამშრომლები და მომხმარებლები იმყოფებიან. ადგილზე მობილიზებულია საპატრულო პოლიცია.

„თავისუფლება მიშას“ -
ბიძინა ივანიშვილისის
ბიზნესს ცენტრთან ხმაურია

„თავისუფლება მიშას“ - ბიძინა ივანიშვილის...

ბიძინა ივანიშვილის ბიზნესცენტრთან ახალდაფუძნებული მოძრაობის - „მიშას თავისუფლებისთვის“ წევრები აქციას მართავენ.

„რუსთავის ციხესთან სპონტანურად ჩატარებულმა დღევანდელმა აქციამ მკაფიოდ უჩვენა მტერს და მოყვარეს, რომ არავინ არ აპირებს კაცისმკვლელთა, ადამიანების გამაუპატიურებელთა, მწამებელთა ბელადის ნიანგის ცრემლების ღვრის გულზეხელდაკრეფილი ყურებას!” - ასე ეხმიანება ექსპერტი ედიშერ გვენეტაძე რუსთავის ციხესთან მიმდინარე აქციას.

1634391328

შინაგან საქმეთა სამინისტროს საგანგებო სიტუაციების მართვის სამსახურის საზოგადოებასთან ურთიერთობის სამმართველოს უფროსი გიორგი თუხარელი „ტვ პირველის“ ეთერში გასულ ანონსს ეხმაურება, რომლის თანახმად ტელევიზიის საინფორმაციო სამსახურის უფროსმა და გადაცემა „ნოდარ მელაძის შაბათის“ წამყვანმა ნოდარ მელაძემ გადაცემის ანონსში განაცხადა, რომ პირი, რომელიც შს მინისტრს ვახტანგ გომელაურს ბათუმის ტრაგედიის პერიოდში გვერდში ედგა, ბიზნესმენი გია ჭყონია იყო, თუმცა, აღნიშნული პიროვნება საგანგებო სიტუაციების მართვის სამსახურის უფროსი თემურ მღებრიშვილი გახლდათ.

1634390928

საქართველოს, ევროკავშირსა და თურქეთს შორის ოფიციალურად ამოქმედდა ე.წ. დიაგონალური კუმულაცია, რაც საშუალებას იძლევა საქართველოში თურქული ნედლეულით წარმოებული პროდუქციის ექსპორტი ევროკავშირის ბაზარზე თავისუფალი ვაჭრობის რეჟიმით განხორციელდეს, - ამის შესახებ ინფორმაციას ეკონომიკის სამინისტრო ავრცელებს.

1634390346

საქართველოს მსჯავრდადებულ ქალთა გუნდმა მსჯავრდადებულთა შორის ჭადრაკში მსოფლიო ჩემპიონის ტიტული მოიპოვა, - ამის შესახებ ინფორმაცია პენიტენციური სამსახური ავრცელებს.

1634389968
აზერბაიჯანში გაზი და დენი
ძვირდება

აზერბაიჯანში გაზი და ელექტროენერგია გაძვირდა

აზერბაიჯანში მოსახლეობისთვის ბუნებრივი აირი და ელექტროენერგია გაძვირდა. ამის შესახებ report.az იუწყება.

სააკაშვილმა თანამოაზრეებს შეუთვალა, მეორ...

მესამე პრეზიდენტმა მიხეილ სააკაშვილმა, საკუთარ თანამოაზრეებს შეუთვალა, რომ თვითმმართველობის არჩევნების მეორე ტურის დასრულების შემდეგ თანამდებობიდან გადააყენონ „ნაციონალური მოძრაობის“ თავმჯდომარე ნიკა მელია და აღნიშნულ პოსტზე მისი შვილი, ედუარდ სააკაშვილი დანიშნონ, - ამის შესახებ კონტროლის პალატის ყოფილი თავმჯდომარის, სულხან მოლაშვილის ძმამ თორნიკე მოლაშვილმა რუსთავის მე-12 პენიტენციურ დაწესებულებასთან მიმდინარე აქციაზე განაცხადა.

ლაშა ხუციშვილმა საერთაშორისო სავალუტო ფო...

ფინანსთა მინისტრმა ლაშა ხუციშვილმა საერთაშორისო სავალუტო ფონდისა და მსოფლიო ბანკის მაღალი დონის შეხვედრაში მიიღო მონაწილეობა, - ამის შესახებ ინფორმაციას ფინანსთა სამინისტრო ავრცელებს.

1634380049
ქვეყანას მძიმე ზამთარი და მეხუთე ტალღა ე...

ციციშვილის სახელობის ბავშვთა ახალი კლინიკის სამედიცინო დირექტორი მაია ჩხაიძე და ექიმი ანი ქავთარაძე სატელევიზიო ეთერში, მეხუთე ტალღის დასაწყისზე და ვაქცინაციის დაბალ მაჩვენებელზე საუბრობენ.