თანხმობა ვაქცინის გაკეთებაზე - რა მოთხოვნებია ისრაელში დასაქმების მსურველებისთვის?
1617953474
დასაქმება ისრაელში - ჯანდაცვის სამინისტრო ისრაელში დასაქმების მსურველი მოქალაქეებისთვის მოთხოვნების ჩამონათვალს აქვეყნებს, რომელთა შორის ერთ-ერთი კორონავირუსის ვაქცინის გაკეთებაზე თანხმობაა.
ისრაელის სახელმწიფოსა და საქართველოს მთავრობას შორის დადებული შეთანხმების თანახმად, საქართველოს მოქალაქეები ისრაელის სახელმწიფოში, ხანგრძლივი მოვლის დაწესებულებებში, დამხმარე მუშაკის პოზიციაზე დასაქმებას შეძლებენ.
სამუშაოს ხანგრძლივობა არის 6 სამუშაო დღე კვირაში, სრული განაკვეთი.
თვის დარიცხული ხელფასი კვირაში 42 საათიანი სამუშაო გრაფიკით, შეადგენს 5300 შეკელს (დაახლოებით, 5 500 ლარი).
ისრაელში ჩასული დასაქმებულები მიიღებენ ვიზას, რომელიც ძალაში ერთი წლის განმავლობაში იქნება და რომლის მოქმედების ვადის გაგრძელება შესაძლებელია მაქსიმუმ 63 თვემდე.
დასაქმება ისრაელში
დასაქმების მსურველი უნდა აკმაყოფილებდეს შემდეგ კრიტერიუმებს:
განათლება:
✔️ საშუალო სკოლა დამთავრებული
✔️ სახელმწიფოს მიერ აღიარებული სახლის პირობებში გასაწევი სამედიცინო დახმარება/მოვლის ტრენინგის გავლის დამადასტურებელი დიპლომი/სერტიფიკატი ან ექთნის/ექთნის თანაშემწის დიპლომი
✔️ ინგლისური ან რუსული ენის საკომუნიკაციო დონეზე ფლობა
ზოგადი მოთხოვნები:
✔️ საქართველოს მოქალაქე
✔️ ასაკი: 25-დან 45 წლამდე
✔️ სიმაღლე: არანაკლებ 1.5 მეტრი. წონა: არანაკლებ 45 კგ
✔️ ფიზიკურად და ფსიქიკურად ჯანმრთელი
✔️ ნასამართლეობის არმქონე
✔️ ისრაელში მუშაობის ისტორიის არმქონე
✔️ არასდროს უცხოვრია ისრაელში უნებართვოდ
✔️ არ უნდა ჰყავდეს ისრალეში მცხოვრები ან დასაქმებული მშობლები, მეუღლე, შვილები
👉 კანდიდატმა უნდა განაცხადოს თანხმობა, რომ ისრაელში შესვლამდე გაიაროს COVID 19-ის ტესტი საქართველოში
👉 კანდიდატი თანახმა უნდა იყოს ისრაელში ჩასვლის შემდეგ COVID 19-ის ვაქცინაციაზე, რომელიც აუცილებელია ხანგრძლივი მოვლის დაწესებულებაში სამუშაოდ ისრაელის ჯანდაცვის სამინისტროს მოქმედი რეგულაციების შესაბამისად. (აღნიშნული გულისხმობს COVID 19 ვაქცინაციის 2 დოზის ჩატარებას, 3 კვირის შუალედით)
👉 ისრაელში დასაქმების მსურველმა მოქალაქეებმა დამატებითი ინფორმაციისთვის უნდა მიმართონ დასაქმების ხელშეწყობის სახელმწიფო სააგენტოს worknet.gov.ge ან დაუკავშირდნენ ცხელ ხაზს - 1505
შეგახსენებთ, რომ საქართველოს მოქალაქეების ისრაელში ლეგალურ დასაქმებაზე რეგისტრაცია 12 აპრილიდან იწყება და მთელი წლის განმავლობაში გაგრძელდება.
ამავე თემაზე:
⭕ რამდენი ადამიანია რეგისტრირებული გერმანიაში დასაქმებისთვის?
