თელავის მუნიციპალიტეტის სოფელ ვანთიდან რამდენიმე დღის წინ გაუჩინარებული 70 წლის მერაბ ამბროსიძის ცხედარი, ერთ- ერთმა მოქალაქემ, სოფელ აკურაში, ღვინის ქარხნის მიმდებარე ტყეში აღმოაჩინა.
შემთხვევის ადგილზე იმყოფებოდა სახანძრო სამაშველო ჯგუფები, კრიმინალური პოლიცია და სასწრაფო სამედიცინო - დახმარების ბრიგადა.
ადგილობრივების ინფორმაციით, მამაკაცს ჯანმრთელობის პრობლემები ჰქონდა და სხვა დროსაც, რამდენჯერმე დაიკარგა. დაკარგულ მამაკაცს მაშველები ოთხი დღის განმავლობაში ეძებდნენ.
მომხდარ ფაქტზე გამოძიება სისხლის სამართლის კოდექსის 115- ე მუხლით დაიწყო, რაც თვითმკვლელობამდე მიყვანას გულისხმობს.