თიბისის მობაილბანკს ფულადი გზავნილების განაღდების ფუნქციონალი დაემატა
1590579244
დღეიდან თიბისის მობაილბანკში ფულადი გზავნილების განაღდება უკვე შესაძლებელია. მომხმარებლების ცხოვრების გასამარტივებლად, შესაბამისი ფუნქციონალი მობაილბანკს უკვე დაემატა, - ამის შესახებ თიბისის განცხადებაშია ნათქვამი.
მათივე ინფორმაციით, სიახლით სარგებლობისთვის მომხმარებელმა აპლიკაციის მთავარ მენიუში გადარიცხვების კატეგორიაში გზავნილის მიღების ღილაკს უნდა დააჭიროს და მიჰყვეს ინსტრუქციას.
„მომხმარებლები, რომლებიც თანხას თიბისის მობაილბანკით გაანაღდებენ, ავტომატურად ჩაერთვებიან ფულადი გზავნილების აქციაში და შესაძლებლობა ექნებათ, მოიგონ 5000 ლარამდე თანხა.
ფულადი გზავნილების კამპანიის ფარგლებში, ფულად პრიზს თიბისის 3000-მდე მომხმარებელი მიიღებს. ფულადი საჩუქრის მიღების შესაძლებლობა ყველა იმ მომხმარებელს აქვს, ვინც სწრაფ გზავნილს დისტანციური არხების საშუალებით (ინტერნეტბანკის, მობაილბანკის, ვებგვერდის - tbcgzavnili,ge-ს ან ცხელი ხაზის საშუალებით) ან ფილიალში ვიზიტით გაანაღდებს.
აქციის შესახებ დეტალური ინფორმაციის მიღება შესაძლებელია ბმულზე: https://www.tbcbank.ge/web/ka/web/guest/money-transfer-campaign-has-started“, - ნათქვამია განცხადებაში.
