„ტოიოტა ცენტრი თეგეტა“ საზაფხულო ფასდაკლების აქციას იწყებს
1594043167
„ტოიოტა ცენტრი თეგეტა“ მომხმარებლებს „ტოიოტას“ ყველაზე პოპულარულ მოდელებზე უპრეცედენტო ფასდაკლებებს სთავაზობს. აღნიშნული შეთავაზებით „ტოიოტას“ მარკის გამორჩეული მოდელები მომხმარებლებისთვის კიდევ უფრო ხელმისაწვდომი გახდება, - ამის შესახებ ინფორმაცოას „თეგეტა მოტორსი“ ავრცელებს.
მათივე ცნობით, აქციის პერიოდში „ტოიოტა ცენტრ თეგეტაში“ „ტოიოტა ქემრიზე“ 10 000 ლარამდე ფასდაკლება გავრცელდება. შეთავაზების ფარგლებში სპეციალური ფასი იქნება „ქემრის“ ჰიბრიდულ კომპლექტაციაზე, რომელიც აღჭურვილია ტოიოტას უსაფრთხოების სისტემებით, პარკინგ სენსორებით, უკანა ხედვის კამერით, ელექტრო რეგულირებადი სავარძლებით, ლედ ფარებითა და ალუმინის 17" დისკებით.
„საზაფხულო ფასდაკლებები გავრცელდება „ტოიოტას“ სხვა მოდელებზეც: ლეგენდარულ ყველგანმავალ LC Prado-ზე და LC 200-ზე. აქციის პერიოდში „ლენდ კრუიზერ პრადო“ 4.0 ბენზინის ძრავით ხელმისაწვდომი იქნება 15 000 ლარამდე ფასდაკლებით, ხოლო „ლენდ კრუიზერ 200“ 4.5 ტურბო დიზელის ძრავით 18 500 ლარამდე ფასდაკლებით.
აღსანიშნავია, რომ „ტოიოტა ცენტრი თეგეტა“ ფასდაკლებასთან ერთად მომხმარებლებს Trade-in აქციასაც სთავაზობს. მომხმარებელს შეუძლია 2008 წლიდან გამოშვებული ნებისმიერი მარკის და მოდელის ავტომობილის ჩაბარება და სანაცვლოდ მისთვის სასურველი „ტოიოტა“-ს ახალი მოდელის შეძენა. ცენტრში მომხმარებლის ავტომობილი შეფასდება, დადგინდება მისი ღირებულება და ჩაითვლება თანამონაწილეობის თანხად, ხოლო დარჩენილ ნაწილზე შესაძლებელია ლიზინგით სარგებლობა საუკეთესო პირობით.
„ტოიოტა ცენტრ თეგეტას“ შეგიძლიათ ესტუმროთ მისამართზე - უნივერსიტეტის ქ. N6. დამატებითი ინფორმაციის მისაღებად დაუკავშირდით კომპანიის ქოლ ცენტრს: 032 229 20 00“, - ნათქვამია ინფორმაციაში.
