თსუ ოთარ ჯაფარიძის გარდაცვალების გამო მწუხარებას გამოთქვამს
1594384148
ივანე ჯავახიშვილის სახელობის თბილისის სახელმწიფო უნივერსიტეტი და ჰუმანიტარულ მეცნიერებათა ფაკულტეტი ღრმა მწუხარებას გამოთქვამს თსუ პროფესორის, ცნობილი არქეოლოგის ოთარ ჯაფარიძის გარდაცვალების გამო და თანაუგრძნობს ოჯახს. ამის შესახებ განცხადებას თსუ-ს პრესსამსახური ავრცელებს.
ოთარ ჯაფარიძე საქართველოს ერთ – ერთი წამყვანი არქეოლოგი იყო, რომლის ნაშრომებმა საერთაშორისო გამოხმაურება ჰპოვა. მან დიდი წვლილი შეიტანა ქართველი ტომების ისტორიის კვლევაში ლითონის წარმოების ადრეულ საფეხურზე, ქართველი ხალხის ეთნოგენეზისის კვლევის საქმეში. არის 120 – ზე მეტი სამეცნიერო შრომის ავტორი. 1969 წელს ნაშრომისათვის - „არქეოლოგიური გათხრები თრიალეთში” - მეცნიერთაგან პირველს მიენიჭა ი. ჯავახიშვილის სახელობის პრემია.
