სასტუმროების და რესტორნების ფედერაციის დამფუძნებელის, შალვა ალავერდაშვილის განცხადებით, სახმელეთო გზა ტურისტებისთვის უნდა გაიხსნას, რადგან მაისში ტურისტული სეზონისთვის ხელსაყრელი დრო მოდის.
„აუხსნელია და ტურისტებს ვერ ვუხსნით თუ რატომ უნდა დაიძინონ 9 საათზე. ასევე, სახმელეთო საზღვრების გახსნა უმთავრესია, მაისის პერიოდში არის პოსტსაბჭოთა სივრცეში დასვენების დრო 12-14-დღიანი დასვენებაა და ეს პერიოდი უნდა გამოვიყენოთ“- განაცხადა შალვა ალავერდაშვილმა.
ინფორმაციისთვის, ბიზნესასოციაციები ითხოვენ, მოიხსნას ღამის საათებში გადაადგილებაზე შეზღუდვა, ქვეყანაში დაიწყოს ტურისტული სეზონისთვის აქტიური მზადება, სარესტორნო ბიზნესმა დაიწყოს ფუნქციონირება შაბათ-კვირას რეგულაციების დაცვით.
ისინი პრემიერ-მინისტრს მიმართავენ და მზადყოფნას გამოთქვამენ, მონაწილეობა მიიღონ ანტიკრიზისული გეგმის მომზადებაში.
იხილეთ აგრეთვე:
✅მოიხსნას კომენდანტის საათი - ბიზნესასოციაციების წარმომადგენლები პრემიერს მიმართავენ