ტურიზმის ეროვნულმა ადმინისტრაციამ ფოტოგრაფებისთვის კონკურსი გამოაცხადა.
როგორც ტურიზმის ადმინისტრაციაში აცხადებენ, ფოტოკონკურსით ნებისმიერ ფოტოგრაფს საშუალება ეძლევა, წვლილი შეიტანოს ქვეყნის ტურისტული პოტენციალის გაძლიერებაში.
„ტურიზმის ეროვნული ადმინისტრაციის კონკურსის მიზანია კოვიდ-19-ის დროს დაზარალებული პროფესიების გაძლიერება,საქართველოს, როგორც ტურისტულად მიმზიდველი ქვეყნის პოზიციონირება და ერთობლივი ძალებით შიდა ტურიზმის სტიმულირება“,- აცხადებენ ტურიზმის ადმინისტრაციაში.
ტურიზმის ეროვნული ადმინისტრაცია შერჩეული საუკეთესო ფოტომასალას საქართველოს ტურისტული პოტენციალის რეკლამირებისათვის გამოიყენებს ავტორის მითითების უზრუნველყოფით.
ფოტოკონკურსის კატეგორიები შემდეგნაირად განისაზღვრა:
• სტუმარმასპინძლობა
• ბუნება
• გასტრონომია
• კულტურული ძეგლები
კონკურსში მონაწილეობა უფასოა. ნამუშევრების გამოგზავნის ბოლო ვადაა 20 ოქტომბერი.
დამატებითი ინფორმაციისათვის გაეცანით კონკურსის წესებსა და პირობებს- https://kolga.ge/c/gnta/rules
კითხვების შემთხვევაში მოგვწერეთელექტრონულ ფოსტაზე: [email protected]