„ვენდისა“ და „დანკინის“ რესტორნები მუშაობის ახალ გრაფიკზე გადადის
1585735108
„ვენდისა“ და „დანკინის“ რესტორნები ახალი რეგულაციების გათვალისწინებით განაგრძობს მუშაობას და Drive Thru-სა და მიტანის სერვისების (Glovo, Wolt და Menu.ge) საშუალებით, დილის 09:00 საათიდან საღამოს 19:00 საათამდე მოემსახურება ერთგულ მომხმარებელს“, - ამის შესახებ განცხადებას „ვისოლ ჯგუფი“ ავრცელებს.
განცხადებაში ხაზგასმულია, რომ „ვენდიმ“ და „დანკინმა“ ჯანმრთელობის უსაფრთხოების რეკომენდაციები გაითვალისწინა და მიწოდების სრულიად უკონტაქტო სერვისზე გადავიდა.
„როგორც უკვე იცით, „ვენდიმ“ და „დანკინმა“ ჯანმრთელობის უსაფრთხოების რეკომენდაციები და მიწოდების სრულად უკონტაქტო სერვისზე გადავიდა. ამერიკული რესტორნების ერთგულ მომხმარებლებს, საერთაშორისო მიტანის სერვისების „გლოვოსა“ და „ვოლტის“ დახმარებით, ამიერიდან აღარ უწევთ შეკვეთის ჩაბარებისას ხელის მოწერა. მათ ურჩევენ, აირჩიონ ბარათით გადახდა, თუმცა აუცილებლობის შემთხვევაში, შეუძლიათ, კურიერისთვის მისაცემი თანხა კართან დატოვონ, კურიერი კი, ასევე, მომხმარებელთან შეთანხმებით, შეკვეთას კართან დატოვებს, რათა სრულად დაიცვას სოციალური დისტანციის წესები“, - აღნიშნულია განცხადებაში.
რესტორნების ქსელი თავის მომხმარებლებს წამახალისებელ საჩუქრებსაც ჰპირდება.
„მიწოდების სერვისის წასახალისებლად, „ვოლტისა“ და „გლოვოს“ მომხმარებლებისთვის, „ვენდისა“ და „დანკინის“ უგემრიელეს პროდუქტებზე მუდმივად სპეცშეთავაზებები და ფასდაკლებებია. ამჟამად „ვოლტით“ „ვენდის“ პიცის შეძენისას მომხმარებელი საჩუქრად 2 კოკა-კოლას იღებს, „გლოვოთი“ „ვენდის“ კომბოს შეძენის შემთხვევაში მოქმედებს 20%-იანი ფასდაკლება, „გლოვოთი“ „დანკინის“ სენდვიჩების კომბოს შეძენისას მათ საჩუქრად ყავა ელით, „ვოლტით“ „დანკინის“ სენდვიჩების კომბოს შეძენისას კი - დონატი. ამის გარდა, Drive Thru-ს მომხმარებლებს სასიამოვნო საჩუქრები შეხვდებათ“, - ნათქვამია განცხადებაში.
