საზოგადოება

ვინ ცდილობს ვითარების არევას ბუკნარში?

აქცია ბუკნარში - ფიზურ
წულუკიძე - Pia.ge
1610626491
დაკოპირებულია

ჩოხატაურის რაიონის სოფელ ბუკნარში რელიგიურ ნიადაგზე კონფლიქტი ადგილობრივ ქრისტიანებსა და მუსლიმებს შორის უკვე ამოწურული იყო, თუმცა მოულოდნელად ერთმა ჯგუფმა ამ შეთანხმებას უნდობლობა გამოუცხადა და  თქვა, რომ კონფლიქტი არ დასრულებულა. 

„თუ ჩვენი მოთხოვნები არ იქნება გათვალისწინებული არ დავიშლებით, ჩვენი ძმები ჩამოვლენ საქართველოს სხვადასხვა რეგიონიდან და უფრო ფართომაშტაბიან აქციას ვაანონსებთ“,- აცხადებენ აქციის მონაწილეები.

თუმცა თავად ადგილობრივი მუსლიმების ნაწილი გუშინვე ამბობდა, რომ შეთანხმება შედგა და დაპირისპირება ამოწურულია. ზოგი არც იმას მალავს, რომ ადგილზე ვითარების არევას სხვა რაიონიდან ჩამოსული პირები ცდილობენ, ერთ-ერთ ასეთად კი აჭარელი მოჭიდავე, ფირუზ წულუკიძე სახელდება – რადიკალური ჯგუფის წარმომადგენელი, რომელიც არც თუ დიდი ხნის წინ სერიოზულ სკანდალში გაეხვია.

რა ვიცით ფირუზ წულუკიძის შესახებ, რომელიც ბუკნარში საგანგებოდ ჩავიდა და თითქმის დამშვიდებული ვითარების, ხელახლა გამწვავებას შეუწყო ხელი.

რამდენიმე წლის წინ ფირუზ წულუკიძე ოფიციალურად გასამართლდა პოლიციისადმი დაუმორჩილებლობასა და წინააღმდეგობის გაწევის ბრალდებით, თუმცა მუსლიმურ თემში ცნობილია მისი რადიკალური შეხედულებები და კავშირი ტერორიზმში მხილებულ პირებთან, მათ შორის 2017 წელს ლიკვიდირებულ აჰმედ ჩატაევთან.

2015 წელს საქართველოს კონტრდაზვერვის ხელმძღვანელობას საერთაშორისო ტერორიზმის ბრალდებით ძებნილმა ჩატაევმა აუდიო მუქარა გამოუგზავნა და ციხიდან რამდენიმე პირის გათავისუფლება მოითხოვა, წინააღმდეგ შემთხვევაში კი ჩვენს ქვეყანაში ტერაქტების მოწყობით იმუქრებოდა. ჩატაევი ითხოვდა „ისლამურ სახელმწიფოსთან“ კავშირის ბრალდებით დაკავებული აიუფ ბორჩაშვილის და აჭარელი მოჭიდავეების გათავისუფლებას – საუბარია თემურ ბახუნტარიძეზე და ფირუზ წულუკიძეზე, რომლებიც სამართალდამცველებმა ერთად დააპატიმრეს, 2013 წლის 13 სექტემბერს.

მაშინ კონტრტერორისტული ცენტრის თანამშრომლებმა მიიღეს ოპერატიული ინფორმაცია იმის თაობაზე, რომ ფირუზ წულუკიძე ბათუმში მდებარე დროებით საცხოვრებელ ბინაში უცხო ქვეყნის მოქალაქეს, იუსუფ ლაკაევს მალავდა, რომელიც საქართველოს საზღვრის გვერდის ავლით, უკანონოდ უნდა გადაეყვანა თურქეთის რესპუბლიკაში.

ოფიციალური ინფორმაციით, მათ აღნიშნულ საქმიანობაში დახმარებას უწევდა, ასევე, ბათუმში დროებით მცხოვრები თემურ ბახუნტარიძე. დაკავების დროს ლაკაევმა წინააღმდეგობა გაუწია პოლიციის თანამშრომლებს და ცეცხლი გახსნა. სროლის შედეგად სამი ადამიანი დაშავდა, მათ შორის პოლიციის თანამშრომელი. პოლიციისთვის წინააღმდეგობის ბრალდებით დააკავეს წულუკიძე და ბახუნტარიძეც.

რუსული მედიის ინფორმაციით, იუსუფ ლაკაევი 2013 წლის 9 სექტემბერს სოხუმში რუსი დიპლომატის, დიმიტრი ვიშერნევის მკვლელობაშია ეჭვმიტანილი. მოგვიანებით გაირკვა ისიც, რომ ბათუმში დაკავებული ლაკაევი სოჭის ოლიმპიადისთვის საფრთხის შემცველი პირების სიაში გახლდათ. ამის შესახებ ნათქვამია 2014 წლის სოჭის ოლიმპიადის უსაფრთხოების ოპერატიული შტაბის მონაცემებში. ლაკაევი რუსეთის სისხლის სამართლის კოდექსის 208-ე მუხლით არის გასამართლებული (უკანონო შეიარაღებული ფორმირების ჩამოყალიბება). მას რუსი სამართალდამცველები ეძებენ. ცნობილია, რომ ის საქართველოში არალეგალურად შემოვიდა და თურქეთის გავლით სირიაში აპირებდა გადასვლას.

როგორც ჩანს, 30 წლის ლაკაევთან ერთად, საეჭვო პირთა წრეში მოხვდნენ თემურ ბახუნტარიძეც და ფირუზ წულუკიძეც. თავის დროზე მათ ამ მიზეზით ქვეყნიდან გასვლის უფლებაც კი არ მისცეს.

„საქართველოში მცხოვრები მოქალაქეებისა და იქ მყოფი ტურისტების უსაფრთხოება დასრულდება“ – ასეთი შინაარსის აუდიომუქარა გამოგზავნა 2015 წელს აჰმედ ჩატაევმა, სადაც ის აიუფ ბორჩაშვილის და ბახუნტარიძე-წულუკიძის განთავისუფლებას მოითხოვდა.

ხელისუფლებამ ჩატაევის ულტიმატუმი არ დააკმაყოფილა. უფრო მეტიც, ეს ჩანაწერი გახდა ერთ-ერთი მთავარი მტკიცებულება აიუფ ბორჩაშვილის წინააღმდეგ. და აი, რას ამბობს ბორჩაშვილის საქმის პროკურორი ზვიად ფხაკაძე:

„ჩანაწერში ჩატაევი ამბობს, რომ, თუ არ მოხდებოდა მათი განთავისუფლება, საქართველოს მოქალაქეებსა და ქვეყანაში მყოფ ტურისტებს უსაფრთხოების მხრივ პრობლემები შეექმნებოდათ. ამ ჩანაწერის კონტრტერორისტული ცენტრისთვის გადასაცემად ჩატაევმა მის მეგობარს, ალექსანდრე თალაკვაძეს ერთკვირიანი ვადა განუსაზღვრა და უთხრა, კიდევ დაუკავშირდებოდა. ერთი კვირის თავზე მართლაც დაუკავშირდა თალაკვაძეს და პასუხი მოსთხოვა მის მიერ გაკეთებულ მიმართვასთან დაკავშირებით, რაზეც თალაკვაძემ ასევე ტელეფონით მისწერა, რომ ეს საკითხი ასე მალე არ წყდება და ნაჩქარევი გადაწყვეტილებები არ მიეღო. გასაგებიაო, – უპასუხა ჩატაევმა და მას შემდეგ ამ პიროვნებასთან კავშირზე აღარ გამოსულა“, – ამბობს პროკურორი ზვიად ფხაკაძე.

👉 ინფორმაციისთვის, რამდენიმე კვირის წინ მუსლიმ და ქრისტიან მოსახლეობას შორის დაწყებული კონფლიქტი სისხლიან დაპირისპირებაში გადაიზარდა.

👉 ქრისტიან და მუსლიმ მრევლს შორის სიტყვიერი და ფიზიკური დაპირისპირება მოყვა, რის გამოც მოგვიანებით დაბა ჩოხატაურში, კლინიკა „მამქოლში“ გადაიყვანეს ორი მოქალაქე, რომლებსაც ექიმების დახმარება დასჭირდა.

👉 რელიგიურ ნიადაგზე დაწყებული დაპირისპირება გურიაში ამ დრომდე მიმდინარეობს. ქრისტიანი მოსახლეობის თქმით, არ სურთ, რომ რეგიონში კიდევ ერთი მეჩეთი აშენდეს.

ევროსაბჭოს პრეზიდენტი

„ყველაფერს გავაკეთებ, რომ საქართველოს მა...

საქართველოს ევროპული საბჭოს პრეზიდენტი შარლ მიშელი ეწვია. იგი ვიზიტის ფარგლებში ქვეყნის პრეზიდენტ სალომე ზურაბიშვილს შეხვდა.

ევროპის საინვესტიციო ბანკი, COVID-19-ის საგანგებო დახმარების ფარგლებში, ლიბერთი ბანკში არსებულ საკრედიტო ხაზს 2.5 მილიონი ევროს მულტისავალუტო რესურსს ამატებს და მის მთლიან მოცულობას 17.5 მილიონ ევრომდე ზრდის. ინფორმაციას ლიბერთი ბანკის საზოგადოებასთან ურთიერთობის სამსახური ავრცელებს. 

1614614289

ჯანდაცვის სამინისტროს ხელმძღვანელი ეკატერინე ტიკარაძე არ გამორიცხავს, რომ საქართველომ კოვაქს პლატფორმას უჩივლოს. 

1614613414

„კომუნიკაციების კომისიის ბოლო რეგულაციებით ქართული სატელეკომუნიკაციო ბაზარი გადარჩა მონოპოლისტების ხელში მომხმარებლების ჩაგდებას, მცირე და საშუალო ბიზნესის გაკოტრებას. შესაბამისად, როდესაც მნიშვნელოვანი ძალის მქონე ოპერატორები კომისიას აკრიტიკებენ და ხშირად კრიტიკაზე მეტად ჭორაობენ, მათი ეს გაღიზიანება ამ გადაწყვეტილებებს უკავშირდება“,- ეს შეფასება დარგობრივი ეკონომიკის კომიტეტის სხდომაზე დიდი ოპერატორების წარმომადგენლების მიერ კომისიის მიმართ გაკეთებულ ბრალდებებზე მცირე და საშუალო ტელეკომ ოპერატორების ასოციაციის თავმჯდომარემ უჩა სეთურმა გააკეთა.

1614613372

„მინდა, კიდევ ერთხელ განვაცხადო, რომ ჩვენ ვართ მზად და ჩვენ ეს მზაობა ყოველთვის დავადასტურეთ, მაგრამ კიდევ ერთხელ, დღევანდელი დღე არის კარგი შესაძლებლობა იმისთვის, რომ ეს ინიციატივა, რომელიც ბატონმა პრეზიდენტმა გააჟღერა გამოვიყენოთ სწორად და მხარეები დავსხდეთ დიალოგის მაგიდასთან“, - ამის შესახებ პრემიერ-მინისტრმა ირაკლი ღარიბაშვილმა ევროპული საბჭოს პრეზიდენტ შარლ მიშელთან  ერთად გამართული პრესკონფერენციისას, ჟურნალისტის კითხვის პასუხად განაცხადა. 

1614612217
ევროპის საბჭოს
პრეზიდენტი მთავრობის
ადმინისტრაციაში

„გარწმუნებთ, რომ საქართველოს უახლოეს პერიოდში...

„ჩვენ ვართ ყველაზე დიდი მონაწილე ამ პროცესში, იმისათვის, რომ თქვენ გქონდეთ  წვდომა ვაქცინებზე და მე პირადად გარწმუნებთ, რომ საქართველოს უახლოეს პერიოდში ექნება ვაქცინებზე წვდომა“, - ამის შესახებ ევროპული საბჭოს პრეზიდენტმა შარლ მიშელმა პრემიერ-მინისტრ ირაკლი ღარიბაშვილთან ერთად გამართული პრესკონფერენციისას განაცხადა.

საქართველოს ბანკის შეთავაზება ბიზნესის გ...

„საქართველოს ბანკი ბიზნესის მხარდაჭერის მიზნით სხვადასხვა პროექტების განხორციელებას განაგრძობს“, - ამის შესახებ ინფორმაციას საქართველოს ბანკში ავრცელებენ. 

„ვთავაზობ საქართველოს მთავრობას და ოპოზი...

„ვთავაზობ საქართველოს მთავრობას და ოპოზიციას, დღეს საღამოს ჩემი ფასილიტაციით შედგეს შეხვედრა”, - ამის შესახებ ევროპული საბჭოს პრეზიდენტმა შარლ მიშელმა ისაუბრა. 

ბელარუსში აქციებში მონაწილეობისთვის სასჯ...

საპროტესტო აქციებში მონაწილეობისთვის ბელარუსში სასჯელი გაამკაცრეს. კერძოდ არასანქცირებულ აქციებში მონაწილეობისთვის მაქსიმალური ჯარიმა სამჯერ გაიზრდება. ამის შესახებ Deutche Welle იუწყება.