სპორტი

ნიკა კვეკვესკირი: ქართული ფეხბურთი ამ ორი წაგებით არ დასრულებულა

საქართელოს ნაკრების ნახევარმცველი
15:25 სამ. 17 ნოემბერი
დაკოპირებულია

საქართველოს ნაკრების ნახევარმცველმა ნიკა კვეკვესკირმა ესტონეთთან მატჩის წინ პრესკონფერენციაზე ისაუბრა.

„პირველ რიგში მინდა თავს უფლება მივცე და გუნდის სახელით მადლობა გადაუხადო ბატონ ვლადიმირ ვაისს, რადგან ძალიან დიდი სამუშაო შეასრულა. იყო ნაკრებში რამდენიმე ახალი სახე, კარგი შედეგიც. თუმცა, სამწუხაროდ ყველაფერი ცუდად დასრულა. ცხელ გულზე ალბათ არცერთ გულშემატკივარს არ ახსოვს მისგან არაფერი დადებითი, მაგრამ გავა დრო და როდესაც მშვიდად გავაანალიზებთ, დადებითად შეფასდება მისი მუშაობა. მასთან ერთად გუნდში ძალიან კარგი გარემო იყო და შემიძლია გითხრათ, რომ პირადად მეც ბევრი რამ მასწავლა.

მინდა რამაზ სვანაძესაც წარმატებები ვუსურვო, შეუძლია, რომ ამ მოკლე პერიოდში გუნდში სიტუაციის შეცვლა. საქართველოს ნაკრების მწვრთნელობა ოცნება კი არის, მაგრამ მგონი დღეს არავის უნდა. ვაისის განცხადებებს რაც შეეხება, ელემენტარული პრობლემები ყველა გუნდშია, არამარტო ფეხბურთში, სხვა სფეროებშიც, ოჯახშიც არ არის სრული იდილია. ამ გუნდში ყველა ერთმანეთს გვერდში უდგას, გამოცდილი ფეხბურთელები ახალგაზრდა ფეხბურთელებს ეხმარებიან და ჩემი ნაკრებში ყოფნის პერიოდში ყოველთვის კარგი გარემო იყო. ერთადერთი პრობლემა ის არის, რომ 5 წლის მიერ ნაშენები საქმე 3 დღეში ჩვენივე ხელით ჩამოვანგრიეთ. ახლა ჩვენი მოვალეობაა გავიდეთ მოედანზე და ნელ-ნელა დავივიწყოთ ეს ყველაფერი. მზად ვართ ყველა წნეხისთვის, იმისთვის, რომ რაც ჩვენივე ხელით ან ფეხით, რადგან ფეხბურთელები ვართ, ჩამოვანგრიეთ, თავიდან ავაშენოთ.

მაკედონიასთან ჩვენი მთავარი პრობლემა ის იყო, რომ ფსიქოლოგიურად მზად არ ვიყავით. ასეთი თამაში არასდროს გვქონია, წნეხი ძალიან დიდი იყო. სპორტული თვალსაზრისით თუ შევხედავთ, ეს თამაში რომ გვქონდა ძალიან კარგია, რადგან მომავალში უფრო გამოცდილები ვიქნებით და გვეცოდინება როგორ ვითამაშოთ ამ დონის მატჩები. რაც უფრო ხშირად ვითამაშებთ ასეთ შეხვედრებს, უფრო მარტივად გავუმკლავდებით წნეხს.

ლიდერების არყოფნაზე არასდროს ვწუწუნებთ, რომ თავი ვიმართლოთ, მაგრამ ჩაკვეტაძის კვარაცხელიას, შენგელიას და კიტეიშვილის გამოკლება ჩვენთვის დიდი დარტყმა იყო, განსაკუთრებით მატჩის წინა დღეს. ჩვენ ვიცოდით ჩვენი და მეტოქის შესაძლებლობებიც, ვიცით, რომ მაქსიმუმი ვერ ვაჩვენეთ. კლასმაც გავლენა იქონია და ფსიქოლოგიურმა წნეხმაც. ყველა ფეხბურთელი ვიაზრებთ ჩვენს წილ პასუხისმგებლობას და არავის ერთმანეთი არ დაგვიდანაშაულებია. ვიცით, რომ ჩვენი შესაძლებლობები ყველაზე საჭირო მომენტში ვერ ვაჩვენეთ. ქართველი ქომაგებიც ვერ გავახარეთ, რომლებიც საოცრად დაგხვდნენ, ასეთი გულშემატკივრობა არასდროს მიგვრძნია, სოციალურ ქსელშიც ძალიან ბევრ მესიჯს ვიღებდი. ჩვენი გულშემატკივარი იმიტომ იმსახურებდა გახარებას, რომ წაგების მერეც დაგვხდნენ. ვიცით, რომ მათი და ჩვენი იმედები გავაცრუეთ, მაგრამ ყველაფერს გავაკეთებთ მომავალში მათ გასახარებლად.

მე ბევრი ფორმაციის ნაკრებში არ მითამაშია, ვლადიმირ ვაისის გარდა, კახა ცხადაძის დროს რამდენიმე თამაში ჩავატარე. ვაისის პერიოდში გუნდურობა იყო ჩვენი მთავარი პლიუსი, ავაშენეთ ეს ყველაფერი და იდეალურთან მიახლოვებული ყოფილიყო ვცდილობდით. შეიძლება ითქვას, რომ გამოგვდიოდა კიდეც, მაგრამ 3-4 დღეში ყველაფერი ჩვენ თვითონ ჩამოვშალეთ. დარწმუნებული ვარ ქართული ფეხბურთი ამ ორი წაგებით არ დასრულებულა და ხვალიდან ახალი ფურცლის გადაშლა დაიწყება“, - განაცხადა კვეკვესკირმა.

შეგახსენებთ, საქართველოს ნაკრები 2020 წლის ბოლო მატჩს ხვალ, ესტონეთის წინააღმდეგ გამართავს. გუნდს ჯგუფიდან გასვლის შანსი დაკარგული აქვს და ხსენებული მატჩი სატურნირო თვალსაზრისით ფორმალობაა, რადგან ვერც საქართველო და ვერც ესტონეთი ახლანდელ პოზიციებს ვერ შეიცვლიან.

🔰იხილეთ აგრეთვე:

➡️რამაზ სვანაძე: წარსულით ცხოვრება არაფერს მოგვიტანს, წინ უნდა ვიყუროთ

ბოჭორიშვილის კლინიკის გენდირექტორი

დავით გადელია: პირველი 4-5 დღე არავითარ...

მისი თქმით, დაუშვებელია რაიმე მედიკამენტის მიღება პირადი გადაწყვეტილებით. „არც...
54 წუთის წინ
გამოცემის ცნობით, ეს პირველი შემთხვევა არ ყოფილა, როდესაც წაულა დაინფიცირდა და მისგან ადამიანს გადაე...
17:29
„შიდასახელმწიფოებრივი მნიშვნელობის ბათუმი (ანგისა)-ახალციხის საავტომობილო გზის კმ106-კმ123 (გოდერძის...
17:24
უწყების ინფორმაციით, შეხვედრაზე მხარეებმა განიხილეს დანაშაულისა და საგზაო შემთხვევათა ანალიზის სისტე...
17:22
მისი თქმით, ფაქტია, რომ ეს ადამიანები მზად არიან საკუთარ პოლიტიკურ ამბიციებს გადააყოლონ ქვეყანა, რას...
17:20
ყოველდღიური ვალუტის კურსი, 10 ივლისი 2020 წელი

ლარი გაუფასურდა

გამყარდა ევრო, რომლის კურსი 3.9447 ლარია. მაშინ როცა დღეს მოქმედი კურსი 3.9215 ლარს შეადგენდა. შესაბ...
გივი მიქანაძე: ოპოზიციის მიერ გამართულმა...
„ჩვენ ყოველდღიურად რამდენიმე ათასი ადამიანის ინფიცირების და ათეულობით გარდაცვალე...
მეუფე იაკობი პოლიტიკოსებზე: უცხოელებთან...
მისი თქმით, ქვეყანაში შექმნილი ვითარება მტრის წისქვილზე ასხამს წყალს. „ხომ ხედა...
ბადრი ჯაფარიძე: ახლა გვჭირდება არა ერთმა...
„ჩვენ ახლა გვჭირდება არა ერთმანეთთან ბრძოლა, არამედ შეთანხმება, რაც აუცილებელია...