სპორტი

რამაზ სვანაძე: წარსულით ცხოვრება არაფერს მოგვიტანს, წინ უნდა ვიყუროთ

საქართველოს ნაკრების მწვრთნელი ესტონეთთან მატჩში
14:49 სამ. 17 ნოემბერი
დაკოპირებულია

საქართველოს ნაკრების დროებითმა მწვრთნელმა რამაზ სვანაძემ უეფას ერთა ლიგის ბოლო ტურში, ესტონეთის ნაკრებთან მატჩამდე პრესკონფერენცია გამართა.

"პირველ რიგში ვიტყვი, რომ ჩემთვის დიდი პატივია ეროვნული ნაკრების გაძღოლა. მადლობას ვუხდი ყველა ადამიანს, ვინც ეს დნობა გამომიცხადა. ახლა მთავარი ამოცანაა ეს ფსიქოლოგიური ფონი ამაღლდეს და რაც შეიძლება მალე. გარდა ამისა, დაბრუნდეს თამაშის ხარისხიც. დამერწმუნეთ, რომ ფეხბურთელებზე მეტად არავის უნდოდა ამ თამაშის მოგება და კარგიც იქნებოდა, მაგრამ რეალობა სხვანაირია. ეს ფეხბურთია, არსებობს გამარჯვებული და დამარცხებული. წარსულით ცხოვრება არაფერს მოგვიტანს, წინ უნდა ვიყუროთ, რომელიც ხვალინდელი თამაშით იწყება.

სიმართლე გითხრათ, ჩემთვის აბსოლუტური, სასიამოვნო და საამაყო სიურპრიზი იყო ნაკრების მწვრთნელობა. გუნდში არის რამდენიმე მიკროტრავმა, გვარებს არ დავასახელებ, მაგრამ ვეცდებით ოპტიმალური შემადგენლობა შევარჩიოთ. ახალს ვერაფერს მოვიგონებთ, რადგან ძალიან მცირე დრო გვაქვს. ყველა მწვრთნელს თავისი ხედვა აქვს და შეიძლება იყოს ცვლილებები, მაგრამ მთავარია ახლა ფსიქოლოგიური ფონი ავამაღლოთ.

მინდა მადლობა გადავუხადო ვლადიმირ ვაისს და მას სამომავლო კარიერაში წარმატებებს ვუსურვებ. მასზე ნეგატიურ კონტექსტში არ ვისაუბრებ. სატურნირო მოტივაცია შეიძლება არ გვაქვს, მაგრამ ნაკრების თამაში ყოველთვის მნიშვნელოვანია და პოზიტიური განწყობა უნდა დატოვოს გუნდის თამაშმა. არ ვიცი ვაისმა რის შესახებ ისაუბრა, მაგრამ ის არის მწვრთნელი, რომელმაც გუნდში 5 წელი გაატარა და კარგად იცნობდა გუნდს.

მწვრთნელის სამსახური ასეთია, მეც დღეს აქ ვარ, მაგრამ ხვალ არ ვიქნები. არ გამოვრიცხავ, რომ ეს განცხადებები მან ემოციურ ფონზე გააკეთა, სხვა კომენტარის გაკეთება არ შემიძლია. ორი დღე მაქვს იმისთვის, რომ ეს თამაში მოვიგოთ და ნებისმიერ შემთხვევაში ხვალინდელი თამაში ჩემი პასუხისმგებლობაა. ეს ბოლომდე მაქვს გათავისებული და ჩვენი პროფესიის შემადგენელი ნაწილია.

ცვლილებებს რაც შეეხება, რეალურად იქნება სიახლეები, მაგრამ ძალიან მცირე, რადგან ეს გუნდი 5 წელია ერთად თამაშობს. ბევრი ცვლილება რომც გვინდოდეს, ვერ იქნება, რადგან დრო არ გვაქვს. კონკრეტულად შემადგენლობას რაც შეეხება, ჩემთვის არ არსებობს ძირითადის ან თადარიგის ფეხბუთელები, მეტიც, ჩემთვის უფრო მნიშვნელოვანია სათადარიგო მოთამაშეების განწყობა და დამოკიდებულება. იქნება ცვლილებები, მაგრამ მასშტაბურად არა“, - თქვა სვანაძემ.

შეგახსენებთ, ესტონეთთან მატჩით საქართველოს ნაკრები 2020 წელს ასპარეზობას დაასრულებს და მომდევნო მატჩს 2021 წლის მარტში უკვე მსოფლიოს ჩემპიონატის შესარჩევი ციკლის ეგიდით გამართავს. ყატარში გასამართი მუნდიალის საკვალიფიკაციო ეტაპის წილისყრა დეკემბერშია დაგეგმილი. საქართველოს ნაკრების ახალი მთავარი მწვრთნელის ვინაობა კი მოგვიანებით გახდება ცნობილი.

ბოჭორიშვილის კლინიკის გენდირექტორი

დავით გადელია: პირველი 4-5 დღე არავითარ...

მისი თქმით, დაუშვებელია რაიმე მედიკამენტის მიღება პირადი გადაწყვეტილებით. „არც...
17:44
მთავრობის ადმინისტრაციის პრესსამსახურის ინფორმაციით, საუბარი შეეხო საშუალოვადიან ეკონომიკურ პარამეტრ...
22 წუთის წინ
მათივე ცნობით, ამ ეტაპზე, პროექტით გათვალისწინებული სამუშაოები აღმაშენებლის ძეგლის მიმდებარე ტერიტორ...
30 წუთის წინ
„აშშ-სა და ნატოს გაძლიერებული ყოფნა შავ ზღვაში აძლიერებს რეგიონულ მშვიდობასა და უსაფრთხოებას“, - ნათ...
18:45
„მინდა გითხრათ, რომ ამ მხარეს მხოლოდ სააკაშვილის მომხრეები არ დგანან, იქ მთელი ოპოზიციური პოლიტიკური...
18:43
მონოლითი იუტას შტატში

იუტას უდაბნოში უცნაური მეტალის მონოლითი იპოვე...

უჩვეულო ობიექტი ველური ბუნების ოფიციალურმა წარმომადგენლებმა, აშშ-ის შტატის შორეულ სამხრეთ-აღმოსავლეთ...
ლარი გაუფასურდა
გამყარდა ევრო, რომლის კურსი 3.9447 ლარია. მაშინ როცა დღეს მოქმედი კურსი 3.9215 ლ...
კორონავირუსის ვაქცინამ ნავთობის ფასი გაზ...
ექსპერტების აზრით, ნავთობის ბიზნესის გამოცოცხლება და ფასის ზრდა კორონავირუსის ვა...
დედაქალაქში მოქმედი შადრევნები გაითიშება
„ზამთრის დადგომისას, შადრევნების გამორთვა და მომავალი წლისთვის მომზადება ყოველწლ...