სოციალური ქსელების, Facebook-ის და Instagram-ის, ასევე მესენჯერების, WhatsApp-ის და Messenger -ის მუშაობაში კვლავ შეფერხება დაფიქსირდა. „უნიანის“ ცნობით, მუშაობაში შეფერხება, ძირითადად, აშშ-ის ტერიტორიაზე დაფიქსირდა.
მარკ ცუკერბერგის კომპანიაში განაცხადეს, რომ მათთვის ხარვეზის შესახებ ცნობილია და პრობლემების გამოსწორებას შეეცდებიან. „ჩვენ ვმუშაობთ იმაზე, რომ ყველაფერი ნორმაში მოვიყვანოთ და შექმნილი უხერხულობის გამო ბოდიშს გიხდით“: - განაცხადეს Facebook-ის პრესსამსახურში.
გამოცემა Downdetector-ის ინფორმაციით, პრობლემები შეინიშნება Twitter-ის, Discord-ის და Zoom-ის მუშაობაში.
ასევე განახლების და წვდომის პრობლემები ჰქონდათ TikTok-ს, Telegram-ს, Google-ს და Amazon-ს.
Facebook-ის მუშაობაში 4 ოქტომბერს დაფიქსირებული გლობალური გათიშვის გამო მარკ ცუკერბერგის კომპანიამ 6 მლრდ დოლარის ზარალი განიცადა.