დღეს, 28 თებერვალს, საბურთალოს რაიონში როსტევანის ქუჩა N15-თან, ჯორჯიან უოთერ ენდ ფაუერის წყალმომარაგების მაგისტრალური მილი ავარიულად დაზიანდა.
ამ დროისთვის კომპანიის ტექნიკური ჯგუფი ადგილზეა მობილიზებული და დაზიანების აღსადგენად მოსამზადებელი სამუშაოები მიმდინარეობს.
მოსახლეობისთვის ნაკლები დისკომფორტის შექმნის მიზნით, ტექნიკურ-აღდგენითი სამუშაოების ძირითადი ნაწილი ღამის საათებში შესრულდება.
სამუშაოების მიმდინარეობის პერიოდში წყალსადენის ქსელის წყლისგან დაცლაა აუცილებელი, რის გამოც დღეს 28 თებერვალს საღამოს 21:00 საათიდან, ხვალ, 1 მარტის დილის 09:00 საათამდე წყალმომარაგება შეეზღუდება:
საბურთალოს რაიონში : ვაჟა-ფშაველას I და II კვარტალს, III, V, VII კვარტლების ნაწილს, ვაჟა-ფშაველას გამზირის ნაწილს, ნუცუბიძის I და II მ/რ-ს, IV მ/რ-ს ნაწილს, ნუცუბიძის, ყაზბეგის გამზირის და ქავთარაძის ქუჩების ნაწილს, ბუდაპეშტის, გელოვანის, დელისის, ჯიქიას და მიმდებარე ქუჩებს, წყნეთის გზატკეცილს.
სოფელ დიღომში: ფარნავაზის, როსტევანის II ჩიხს, დავით აღმაშენებლის, თამარ მეფის, გიორგი ბრწყინვალეს და მიმდებარე ქუჩებს. დიღმის მასივის I კვარტალს.
ზაჰესში: ხანძთელის, აფხაიძის და ავჭალის ქუჩებს.
ჯორჯიან უოთერ ენდ ფაუერი შექმნილი დისკომფორტისთვის მომხმარებლებს ბოდიშს უხდის.