სხვადასხვა

„საქართველოს ტექნიკური უნივერსიტეტის პროფესორების წვლილი ჩემს წარმატებაში უზარმაზარია” - სტუ-ის მაგისტრანტი

„საქართველოს ტექნიკური
უნივერსიტეტის
პროფესორების წვლილი ჩემს
წარმატებაში უზარმაზარია”
1605690991
დაკოპირებულია

საქართველოს ტექნიკური უნივერსიტეტის სტუდენტმა დაჩი ოქროპირიძემ გერმანიის ფედერაციული რესპუბლიკის იულიხის კვლევით ცენტრში, ბირთვული ფიზიკის ინსტიტუტში სტაჟირების პროგრამა წარმატებით გაიარა, - ამის შესახებ ინფორმაციას საქართველოს ტექნიკური უნივერსიტეტის საზოგადოებასთან ურთიერთობის დეპარტამენტი ავრცელებს. 

მათივე ინფორმაციით, საქართველოს ტექნიკური უნივერსიტეტის საინჟინრო ფიზიკის მაგისტრანტმა 2020-2021 სასწავლო წლის პირველი სემესტრის პარლელურად, თვენახევრის განმავლობაში, გერმანიაში, იულიხის კვლევითი ცენტრის ბირთვული ფიზიკის ინსტიტუტში Cooler Synchrotron (COSY) ამაჩქარებელზე მიმდინარე ექსპერიმენტში მიიღო მონაწილეობა.

„საქართველოს ტექნიკური უნივერისტეტის პროფესორების წვლილი ჩემს წარმატებაში უზარმაზარია, რადგან პრაქტიკულად შეუძლებელი იქნებოდა სხვა რეალობაში მსგავსი გზის ასე მოკლე დროში გავლა“, - აღნიშნავს დაჩი ოქროპირიძე.

აღსანიშნავია, რომ დაჩი ოქროპირიძემ სტუ-ის ინ­ფორ­მა­ტი­კი­სა და მარ­თვის სის­ტე­მე­ბის
ფა­კულ­ტე­ტის სა­ინ­ჟინ­რო ფი­ზი­კის ბა­კა­ლავ­რი­ა­ტის სასწავლო პროგრამა 2020 წელს დაასრულა და სწავლა მაგისტრატურაში სამედიცინო ფიზიკის მიმართულებით განაგრძო.

მანამდე, 2019–2020 სას­წავ­ლო წელს, ის „ქარ­თულ-გერ­მა­ნუ­ლი ხი­დის“ ფარ­გლებ­ში გან­ხორ­ცი­ე­ლე­ბუ­ლი ორი პრო­ექ­ტის, მათ შორის იულიხის კვლევითი ცენტრის ბირთვული ფიზიკის ინსტიტუტის ერთთვი­ა­ნი გაც­ვლი­თი პროგ­რა­მის მო­ნა­წი­ლე იყო. თუმცა იულიხის კვლევითი ცენტრის სტაჟირების პროგრამაში მონაწილეობით მან აბსოლუტურად განსხვავებული გამოცდილება მიიღო. როგორც ამბობს, მან თვენახევრიანი სტაჟირების პროგრამით პრაქტიკული სამუშაოები გაიარა, რაც მაგისტრანტისთვის დიდი გამოწვევა აღმოჩნდა.

„იულიხის კვლევით ცენტრში ჩემი ვიზიტი პირველი არ იყო. ჯერ კიდევ ბაკალავრიატზე სწავლის პერიოდში ტექნიკური უნივერსიტეტიდან გაცვლითი პროგრამით იულიხის კვლევითი ცენტრის სამედიცინო ფიზიკის ინსტიტუტში აღმოვჩნდი. იმის შემდგომ, რაც გამოვხატე ნაწილაკების ფიზიკისა და ამაჩქარებლების მიმართ ინტერესი, ბირთვული ფიზიკის ინსტიტუტში მიმიწვიეს.

ამავე წელს ჩავაბარე ტექნიკურ უნივერსიტეტში ფიზიკის სამაგისტრო პროგრამაზე და სწავლის დაწყების პარალელურად, კიდევ ერთხელ აღმოვჩნდი გერმანიაში. წინა ვიზიტისგან განსხვავებით, როდესაც პრაქტიკული სამუშაოები, ძირითადად, COSY ამაჩქარებელზე ქართული ჯგუფის მიერ შექმნილი JEPO (Julich Electric Dipole Moment Polarimeter) დეტექტორის გაუმჯობესებას გულისხმობდა.

ამ ეტაპზე ჩემი საქმიანობა უშუალოდ ეხებოდა ამაჩქარებლის ოპერირებას ექსპერიმენტის ფარგლებში. ეს აბსოლუტურად სხვა რანგის გამოცდილებაა. მასშტაბები რომ წარმოგიდგინოთ, COSY ამაჩქარებელი მრავალმილიონიანი პროექტია, ხოლო თითოეული ექსპერიმენტი, რომელიც ამ ამაჩქარებელზე ხორციელდება, დამატებით რამდენიმე მილიონი ევროს ბიუჯეტს გულისხმობს. ამაჩქარებლის ობიექტი და მისი დამხმარე შენობა-ნაგებობები თუ დანადგარები, როგორიც არის მაგალითად ციკლოტრონი, რამდენიმე ათას კვადრატულ მეტრს იკავებს. ობიექტების სრულფასოვან ოპერირებას კი ათეულობით (თუ არა ასეულობით) ინჟინერი თუ მეცნიერი ემსახურება“, - აღნიშნავს დაჩი ოქროპირიძე.

საქართველოს ტექნიკური უნივერსიტეტის მაგისტრანტი გერმანიაში მიღებულ გამოცდილებაზე დეტალურად საუბრობს. როგორც დაჩი ოქროპირიძე აღნიშნავს, მსგავს პროგრამაში მონაწილეობა დიდ პასუხისმგებლობას მოითხოვს.

„დანადგარის მუშა მდგომარეობაში დატოვებისას, ყოველი წუთი უზარმაზარ ფინანსური თუ ენერგეტიკული რესურსის გახარჯვას გულისხმობს, ექსპერიმენტის ფარგლებში, რომელიც დაახლოებით, 1- 2 თვე გრძელდება, დგინდება გრაფიკები და იწერება დანადგარის 24-საათიანი ოპერირების გეგმა. ინსტიტუტის მუდმივი და მიწვეული პერსონალი კი ინაწილებს „ცვლის განრიგს“.

პანდემიის პირობებში დღის მანძილზე დაიგეგმა სამი ცვლა. თითოეულ ცვლაში ერთი ან ორი ადამიანი მუდმივ რეჟიმში ახდენდა პარამეტრების ცვლილებას, მონაცემების შეგროვებასა და პასუხისმგებელი იყო დანადგარის ოპერირებასთან დაკავშირებულ სხვა ფუნქციებზე. მსგავსი ტიპის გამოცდილება, პირველ რიგში, გულისხმობს უზარმაზარ პასუხისმგებლობას. გარდა ამისა, პრაქტიკაში გავეცანი ამაჩქარებლის შემადგენელი კომპონენტების მუშაობის პრინციპებს, პარამეტრების მოდიფიკაციას, მონაცემების შეგროვებას და ექსპერიმენტული ფიზიკისათვის მნიშვნელოვან სხვა ასპექტებს“, -აცხადებს სტუ-ის მაგისტრანტი.

როგორც დაჩი ოქროპირიძე განმარტავს, მის წარმატებაში სტუ-ის პროფესორ-მასწავლებლების როლი და ხელშეწყობა უზარმაზარია. მისივე განმარტებით, რომ არა უნივერსიტეტის მეცნიერთა წვლილი, მისთვის უმოკლეს ვადაში ასეთი პრაქტიკული გამოცდილების მიღება შეუძლებელი იქნებოდა.

„საქართველოს ტექნიკური უნივერსიტეტის პროფესორების წვლილი ჩემს წარმატებაში უზარმაზარია. პრაქტიკულად, შეუძლებელი იქნებოდა სხვა რეალობაში მსგავსი გზის ასე მოკლე დროში გავლა. განსაკუთრებით უნდა აღვნიშნო პროფესორ ქეთევან კოტეტიშვილის ღვაწლი ზოგადად სტუდენტებისა და ჩემს წარმატებაში. მისი კონტაქტებისა და ინიციატივების წყალობით, ყოველწლიურად რამდენიმე სტუდენტს ეძლევა შანსი საკუთარი თავის რეალიზაცია მოახდინოს და ფართო პერსპექტივაში შეხედოს მეცნიერებას. აღსანიშნავია იულიხის კვლევით ცენტრში მოღვაწე ქართველი მეცნიერების - ანდრო კაჭარავას და ირაკლი ქეშელაშვილის დიდი წვლილი მომავალი ქართველი ფიზიკოსების წარმატებაში“, - აღნიშნავს დაჩი ოქროპირიძე.

სტუ-ის საზოგადოებასთან ურთიერთობის დეპარტამენტის ინფორმაციით, საქართველოს ტექნიკური უნივერსიტეტის წარმატებულ სტუდენტებს ყოველწლიურად ეძლევათ შესაძლებლობა, სამეცნიერო სტაჟირება გერმანიაში, იულიხის კვლევით ცენტრში გაიარონ.

მოსალოდნელი ამინდის
პროგნოზი

უახლოესი დღეების ამინდის პროგნოზი

გარემოს ეროვნული სააგენტო მოსალოდნელი ამინდის შესახებ ინფორმაციას ავრცელებს.

ჯანდაცვის მინისტრის ეკატერინე ტიკარაძის განცხადებით, სამინისტრო საპატრიარქოსთან ერთად ნინოწმინდის ბავშვთა პანსიონატში მუშაობას განაგრძობს და ყველა ბავშვზე გადაწყვეტილება ინდივიდუალურად იქნება მიღებული.

1623739164

„დიდი მადლობა სტუმართმოყვარე საქართველოში ოფიციალური ვიზიტით სტუმრობის შესაძლებლობისთვის. გვქონდა ძალიან პოზიტიური მოლაპარაკებები უკრაინა-საქართველოს მიმდინარე დღის წესრიგის რიგ საკითხებზე. დარწმუნებული ვარ, რომ ჩვენ მიერ დასახული მიმართულებები შემდგომი თანამშრომლობისთვის მძლავრ ბიძგს მისცემს ჩვენი ურთიერთობების მდგრად განვითარებას, ასევე ჩვენი ქვეყნების ეკონომიკებს“, - ამის შესახებ უკრაინის პრემიერ-მინისტრი დენის შმიგალი საქართველოს მთავრობის მეთაურს წერს.

1623738160

სამცხე-ჯავახეთში დიდი ოდენობით უაქციზო სიგარეტის შენახვა-გადაზიდვის ფაქტზე ერთი პირი დააკავეს. ამის შესახებ ინფორმაციას ფინანსთა სამინისტროს საგამოძიებო სამსახური ავრცელებს.

1623738073

ქალაქ ნინოწმინდიდან აღმოსავლეთით 25 კილომეტრში სოფელ სამებასთან მიწისძვრა მოხდა. ინფორმაციას სეისმური მონიტორინგის ეროვნული ცენტრი ავრცელებს.

1623734506
პარტია საქართველოსთვის
დამფუძნებელი

გიორგი გახარია ბრიუსელში გაემგზავრა

ექსპრემიერი, პარტია „საქართველოსთვის“ ლიდერი გიორგი გახარია ბრიუსელში გაემგზავრა.

პრემიერი ბრიუსელის ფორუმზე, ვაქცინაცია ტ...

PIA.GE-ს დღიური - რუბრიკა, სადაც დღის მნიშვნელოვან ამბებსა და პერსონებს წარმოგიდგენთ.

გენერალ მაზნიაშვილის სახელობის ახალგაზრდ...

გენერალ მაზნიაშვილის სახელობის ახალგაზრდული ლეგიონის წევრებმა საველე გასვლა განახორციელეს, - ამის შესახებ ინფორმაციას საქართველოს თავდაცვის სამინისტროში ავრცელებენ.

კახა კუჭავა ეუთოს გენერალურ მდივანს შეხვ...

საქართველოს პარლამენტის თავმჯდომარე ეუთოს გენერალურ მდივანს, ჰელგა შმიდს შეხვდა, - ამის შესახებ ინფორმაციას საქართველოს პარლამენტი ავრცელებს.