სხვადასხვა

საქართველოს ტექნიკური უნივერსიტეტის რექტორი აშშ-ის საელჩოს კულტურის ატაშეს შეხვდა

ტექნიკური უნი
1602853745
დაკოპირებულია

საქართველოს ტექნიკური უნივერსიტეტის რექტორი, პროფესორი დავით გურგენიძე საქართველოში ამერიკის შეერთებული შტატების საელჩოს კულტურის ახალ ატაშეს კრისტოფერ ანდერსონს შეხვდა. ამის შესახებ ინფორმაციას სტუ-ის საზოგადოებასთან ურთიერთობის დეპარტამენტის წარმომადგენელი ავრცელებს.

მათივე ინფორმაციით, დავით გურგენიძესა და კრისტოფერ ანდერსონს შორის დიალოგი საქართველოს ტექნიკური უნივერსიტეტსა და ამერიკის შეერთებული შტატების სხვადასხვა წამყვან უნივერსიტეტებს შორის არსებულ და სამომავლო თანამშრომლობის პერსპექტივას შეეხო.

„საქართველოს ტექნიკურ უნივერსიტეტს მრავალი წელია მჭიდრო თანამშრომლობა აკავშირებს სან დიეგოს სახელმწიფო უნივერსიტეტსა და სან დიეგოს სახელმწიფო უნივერსიტეტის კვლევით ფონდთან, ასევე, აიოვას, სანტა კლარას სახელმწიფო უნივერსიტეტებთან, ამერიკის კოლეჯთან და უნივერსიტეტთა ასოციაციასთან (AAC&U), უდიდეს ბირთვული კვლევების ცენტრ Fermilab-ის LBNF/DUNE ექსპერიმენტთან და სხვადასხვა საგანმანათლებლო დაწესებულებასთან. ბატონ კრისტოფერ ანდერსონთან შეხვედრისას განხილული საკითხები, სამომავლოდ, კიდევ უფრო გააღრმავებს ტექნიკურ უნივერსიტეტსა და მის პარტნიორებთან ურთიერთობას. ჩვენ ერთობლივად ვამზადებთ პროგრამებს, რომელიც დაეხმარება ქართველ სტუდენტებს, პროფესორებსა და ახალგაზრდა მეცნიერ-მკვლევრებს სწავლის, სწავლებისა და კვლევების იმ თანამედროვე მეთოდებს გაეცნონ, რომელიც აშშ-ის წამყვან უნივერსიტეტებშია აპრობირებული“, - განაცხადა დავით გურგენიძემ.

საქართველოს ტექნიკური უნივერსიტეტის რექტორმა ამერიკის საელჩოს კულტურის ატაშეს უნივერსიტეტის სასწავლო ინფრასტრუქტურა, ლაბორატორიები და სხვადასხვა ფაკულტეტზე დანერგილი პრაქტიკული და ლაბორატორიული სწავლების ინოვაციური მეთოდები გააცნო.

„საქართველოს ტექნიკური უნივერსიტეტი განმაცვიფრებელი და მნიშვნელოვანი უნივერსიტეტია. ნანახმა ყოველგვარ მოლოდინს გადააჭარბა. მოხიბლული ვარ ლაბორატორიებით და იმით, რომ ახერხებთ განათლებისა და თანამედროვე ტექნოლოგიების გამოწვევების კომბინაციას. საქართველო ამერიკის შეერთებული შტატების ერთ-ერთი სტრატეგიული პარტნიორია. ამიტომ, ჩვენ ვაკეთებთ ყველაფერს, რომ გავაძლიეროთ განათლება. უნივერსიტეტის რექტორს შევხვდით იმ მიზნით, რომ გვესაუბრა თანამშრომლობის გაუმჯობესებისა და გაღრმავების შესაძლებლობებზე. რექტორთან საუბრისას, განვიხილეთ მხარდაჭერის არაერთი გზა. საელჩო აშშ-ში ყოველწლიურად აგზავნის, დაახლოებით, 200 ახალგაზრდას, რათა მათ ისწავლონ და საქართველოში დაბრუნების შემდეგ შექმნან ახალი პროექტები. რა თქმა უნდა, საქართველოს ტექნიკური უნივერსიტეტი შესანიშნავი უმაღლესი საინჟინრო სკოლაა, მაგრამ განახლება და გაუმჯობესება ყოველთვის საჭიროა. სტუდენტთა ახალი გაცვლითი პროგრამების შემუშავება კი სწორედ ამ მიზნების განხორციელებას შეუწყობს ხელს“, - განაცხადა კრისტოფერ ანდერსონმა.

შეხვედრის დასასრულ, საქართველოს ტექნიკური უნივერსიტეტის რექტორმა საქართველოში აშშ-ის საელჩოს კულტურის ატაშეს კრისტოფერ ანდერსონს უნივერსიტეტისადმი გამოჩენილი ინტერესისა და გულწრფელი კეთილგანწყობისთვის მადლობა გადაუხადა.

ჰიდროელექტროსადგური
ენგურჰესი - Pia.ge

ენგურჰესზე ავარიაა - აფხაზური მედია

ენგურჰესზე ავარიაა. ამის შესახებ ინფორმაციას აფხაზური მედია ავრცელებს.

ანალიტიკოსი ზურაბ ქადაგიძე პრემიერ-მინისტრი ირაკლი ღარიბაშვილის შინაგან საქმეთა მინისტრობის და პირველი პრემიერობის პერიოდს იხსენებს და ამბობს, რომ სწორედ მისი უპრეცედენტო ძალისხმევის შედეგი იყო ცხინვალისა და სოხუმის ციხეებიდან ისეთი პატიმრების განთავისუფლება, რომლებსაც უვადო თუ 20 წლამდე უკანონო პატიმრობა ჰქონდათ მისჯილი.

1623671245

„თუ ვინმეს ჰგონია, რომ იმის წამოძახებით, მაშინ რატომ ვერ გააკეთე, რაიმე კომპლექსს გამიჩენენ, ვერ გამიჩენენ“, - ამის შესახებ პარტია „საქართველოსთვის“ დამფუძნებელმა გიორგი გახარიამ ჟურნალისტებთან განაცხადა.

1623671092

დღეს, 14 ივნისს, 14:15 საათზე ჯორჯიან უოთერ ენდ ფაუერის წყალმომარაგების სისტემის მთავარ სატუმბო სადგურებს ავარიულად შეუწყდა ელექტრო ენერგიის მიწოდება, რის გამოც ვაკე-საბურთალოს, მთაწმინდა-კრწანისის და გლდანი-ნაძალადევის რაიონების აბონენტების ნაწილს წყალი შეფერხებით მიეწოდება.

1623670263

ელექტროენერგიის შეზღუდვის გამო, 14:00 საათიდან თბილისის მეტროს საბურთალოს ხაზი მგზავრებს დროებით ვერ ემსახურებოდა.

1623669165
ავარიულად გამოირთო 500
კვ-იანი ელექტროგადამცემი
ხაზი - ელექტროსისტემა

ავარიულად გამოირთო 500 კვ-იანი ელექტროგადამცე...

საქართველოს სახელმწიფო ელექტროსისტემა საქართველოში ელექტროენერგიის შეზღუდვის მიზეზს განმარტავს.

საქართველოს მთავრობამ ქარსაფარი ზოლების...

გარემოს დაცვისა და სოფლის მეურნეობის სამინისტროს მიერ მომზადებული „ქარსაფარი (მინდორდაცვითი) ზოლების ინვენტარიზაციის სახელმწიფო პროგრამა“ ითვალისწინებს, საქართველოში არსებული ქარსაფარი ზოლების იდენტიფიცირება-ინვენტარიზაციასა და საჯარო რეესტრში რეგისტრაციას, - ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

ზალკალიანი აზერბაიჯანსა და სომხეთს შორის...

ჩვენი მედიაცია, რაც ბოლო დღეების განმავლობაში ასე აქტუალური იყო სამხრეთ კავკასიაში და ჩვენი როლის აქტუალიზაცია, ის, რაც პრემიერ-მინისტრმა ბოლო ერთი თვის განმავლობაში გააკეთა, მიმართულია ზუსტად იქით, რომ საქართველოს როლი და ფუნქცია იყოს რაც შეიძლება პრიორიტეტულ თემებს შორის წამოწეული საერთაშორისო, გლობალური უსაფრთხოების და ამ ახალი გეოპოლიტიკური სიტუაციის ფონზე, - ამის შესახებ საქართველოს საგარეო საქმეთა მინისტრმა, დავით ზალკალიანმა, მთავრობის ადმინისტრაციაში გამართულ ბრიფინგზე განაცხადა.

წვიმა, ელჭექი და სეტყვა - უახლოესი დღეებ...

გარემოს ეროვნული სააგენტოს ცნობით, 20 ივნისამდე საქართველოს ცალკეულ რაიონში მოსალოდნელია ხანმოკლე წვიმა და ელჭექი, ზოგან შესაძლებელია სეტყვა.