სხვადასხვა

ვახო და იაგო კომედი შოუში, ხელთნაკეთი პირბადეების აკრძალვა - 26 იანვრის დღიური

PIA.GE-ს დღიური
1611691207
დაკოპირებულია

PIA.GE-ს დღიური - რუბრიკა, სადაც დღის მნიშვნელოვან ამბებსა და პერსონებს წარმოგიდგენთ.

დღის მთავარი ამბავი

საპარლამენტო არჩევნებში ბარიერ გადალახული ოპოზიციური პარტიები ერთობლივ განცხადებას ავრცელებენ და მმართველ გუნდს მოლაპარაკების მაგიდასთან დაბრუნებისკენ მოუწოდებენ. განცხადების ხელმომწერი არ არის პარტია „გირჩის“- ერთი ნაწილი და პარტია „მოქალაქეები“.


„ჩვენ, საქართველოს დემოკრატიული ოპოზიციური პარტიები ერთგული ვრჩებით იმ პოზიციის, რაც გაყალბებული საპარლამენტო არჩევნებისა და ივანიშვილის მიერ ქართველი ხალხის ნების მიტაცების შემდეგ დავიკავეთ. 31 ოქტომბერს ჩატარებული საპარლამენტო არჩევნების ოფიციალური შედეგები არ გამოხატავს საქართველოს მოქალაქეთა ნებას და შესაბამისად, ამ არჩევნების შედეგების აღიარება მხოლოდ და მხოლოდ პოლიტიკური პროცესის მიმართ "ოცნების" მიერ წახალისებულ ნიჰილიზმსა და დემოკრატიული პროცესისადმი სრულ უნდობლობას გამოიწვევს.“

განცხადება ვრცლად

დღის პერსონა

თუ თბილისში დადებითობის მაჩვენებელი ჩამოცდება 4%-ს უახლოეს ერთ კვირაში, რა თქმა უნდა, მუნიციპალური ტრანსპორტის გახსნაზეც უნდა ვისაუბროთ უფრო სწრაფად და ეკონომიკის იმ დარგების გახსნაზეც, რომლის შესაძლებლობასაც ეპიდმდგომარეობა გვაძლევს, - ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს დღევანდელ სხდომაზე განაცხადა.

როგორც მთავრობის მეთაურმა აღნიშნა, როგორც კი დადებითობის მაჩვენებელი ქვეყანაში, ქალაქსა თუ ცალკეულ რეგიონში ჩამოცდება 4%-ს, შესაძლებელი გახდება გახსნის ის გეგმა, რომელიც უკვე წარმოდგენილია დაჩქარდეს.

პრემიერი: თუ დადებითობის მაჩვენებელი 4%-ზე მეტია ნორმალურ ეკონომიკურ ფუნქციონირებაზე საუბარი ჭორაობაა და მეტი არაფერი

„ყველაფერი უნდა გაკეთდეს იმისთვის, რომ სასწავლო დაწესებულებები ამოქმედდეს“ - პრემიერი

დღის ფრაზები

გიგა ბოკერია:

„ჩემი პოზიციაა, რომ ვახოზე, იაგოზე კომედი შოუში თუ დამიძახებენ, მხოლოდ იქ ვისაუბრებ. რომელიმე კარგ კომედი შოუში თუ დამიძახებენ, სიამოვნებით მოვყვები ჩემს შთაბეჭდილებას, აქ – არა“

ფრიდონ ინჯია:

„როცა ისინი საუბრობენ და აფასებენ 2020 წლის საპარლამენტო არჩევნებს, როგორც ყველაზე ცუდ არჩევნებს, მათ არ უნახავთ, როგორ არჩევნებს ატარებდა „მოქალაქეთა კავშირი“ თავის დროზე, რომელმაც დღეს იცვალა სახელი და გახდა „ნაციონალური მოძრაობა“

ვახო მეგრელიშვილი:

თუ მთავარი პრობლემა არ გადავწყვიტეთ, რაც არის ქართული ოცნებისა და ნაციონალური მოძრაობის ქიშპი, ჩვენ პოლიტპატიმრები გვეყოლება. ამიტომ, ამ კონტექსტში, ბევრად უფრო პრიორიტეტულია ამ ორი პოლიტიკური ძალის შერიგება, ვიდრე კონკრეტულ პოლიტპატიმრებზე ჩხუბი“

დღის კარგი ამბავი

ინფექციური პათოლოგიის, შიდსის და კლინიკური იმუნოლოგიის ცენტრის გენერალური დირექტორმა თენგიზ ცერცვაძემ განაცხადა, რომ საქართველოში პოსტკოვიდური პაციენტების კვლევა იწყება.

მისი თქმით, კვლევა 500 ადამიანით დაიწყება და მათ ჩაუტარდებათ ყველა კვლევა, რაც პოსტკოვიდის დროს აღწერილია მთელ მსოფლიოში. ადამიანები შემთხვევითი შერჩევის შედეგად ჩაიტარებენ კვლევას და ის, ყველასთვის ხელმისაწვდომი იქნება.

„ჩვენ გვეცოდინება საკუთარ მასალაზე და არა ინგლისელების მასალაზე, რამდენ პროცენტ შემთხვევაში ვითარდება ეს სინდრომი,“ - განაცხადა თენგიზ ცერცვაძე.

დღის ცუდი ამბავი

სამსაათიანი შეხვედრა ​მთავრობის ეკონომიკური გუნდისა და ბიზნესსექტორის წარმომადგენლებს შორის დასრულდა.

განხილვის მთავარი თემა კორონავირუსის გამო დაწესებული შეზღუდვების ვადაზე ადრე შემსუბუქების შესაძლებლობა იყო.

შეხვედრას ეპიდემიოლოგებიც ესწრებოდნენ.

ბიზნესმა ჯანდაცვის სექტორის დარწმუნება ვერ შეძლო იმაში, რომ ეკონომიკის რეგულაციებით ამოქმედებას შეძლებენ ისე, რომ ეპიდემიოლოგიური მდგომარეობა არ დააზიანონ.

შესაბამისად, სარესტორნო ბიზნესისა და ზამთრის კურორტებისთვის, სექტორის გახსნის თაობაზე, გადაწყვეტილება არ შეცვლილა.

დღის უცხოური ამბავი

საფრანგეთის ხელისუფლებამ გამოსცა განკარგულება, რომლითაც მოსახლეობას ეკრძალება ხელნაკეთი პირბადის ტარება, ნათქვამია, რომ ისინი COVID-19 ახალი შტამისგან საკმარის დაცვას არ უზრუნველყოფენ . ინფორმაციას „გარდიანი“ ავრცელებს.

ჯანდაცვის სამინისტროს გადაწყვეტილებით ინფორმაციით, ტარებისას მხოლოდ სამი სახის ნიღაბი იქნება რეკომენდებული: ქირურგიული ნიღბები, FFP2 და ქსოვილის ნიღბები, რომლებიც შეესაბამება 1 კატეგორიის სტანდარტებს (იცავს 95%-ით).

დღის ფოტო

ჯიხვის პატარა ფოთრები ფშავ-ხევსურეთის ეროვნულ პარკს კიდევ უფრო ამშვენებენ.
ფშავ-ხევსურეთის ეროვნულ პარკი, საქართველო 📸 დაცული ტერიტორიების სააგენტო.

დღის ვიდეო

რაჭა, შოვი 2021

აქცია მსვლელობა
ფილარმონიიდან

„თავისუფლებისთვის“ - ფილარმონიიდან ოპოზი...

გაერთიანებული ოპოზიციის მიერ დაგეგმილი აქცია-მსვლელობა ფილარმონიის დიდი საკონცერტო დარბაზის მიმდებარე ტერიტორიიდან უკვე დაიწყო. 

პარლამენტის რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარი პიკეტირებასთან დაკავშირებით ოპოზიციის განცხადებას გამოეხმაურა და აღნიშნა, რომ ეს ოპოზიციის მხრიდან გადადგმული სასოწარკვეთილი ნაბიჯია. 

1614349168

თაკო ჩარკვიანმა ქვეყანაში მიმდინარე მოვლენებთან დაკავშირებით განაცხადა, რომ ოპოზიციამ ბრძოლა უნდა გააგრძელოს გარკვეული კორექტირებებით.

1614349136

წელიწადზე მეტია რაგბის კავშირს პრეზიდენტი არ ჰყავს. საპრეზიდენტო არჩევნები არა ერთხელ გადაიდო. ბოლოს ჩანიშნული არჩევნები კი ხმაურის ფონზე გაიმართა, რომელიც ქვორუმის ვერშედგენის გამო კვლავ გადაიდო.

1614348294

ოპოზიციის მხარდასაჭერი აქციის მონაწილეთა ნაწილი პარლამენტთან რჩება და კარავს გზის სავალ ნაწილზე შლის.

1614348213
ექსპერტი დავით
ქართველიშვილი

პროტესტით ვერ მიიყვანეს, ახლა კონცერტით ცდილო...

„პროტესტით ვერ მიიყვანეს, ახლა კონცერტით ცდილობენ - ახლა კონცერტი თუ გიშველით მარტო“ - ექსპერტი დავით ქართველიშვილი ოპოზიციის მიტინგს ეხმაურება.

იანვარში ლარი დოლარის მიმართ 0.3 პროცენტ...

იანვარში ლარის ოფიციალური გაცვლითი კურსი აშშ დოლარის მიმართ საშუალოდ 3.2864-დან 3.2973-მდე, ანუ 0.3 პროცენტით, ხოლო ევროს მიმართ საშუალოდ 3.9969-დან 4.0186-მდე, ანუ 0.5 პროცენტით გაუფასურდა, - ამის შესახებ ინფორმაციას ეროვნული ბანკი ავრცელებს. 

გრიგოლ ლილუაშვილი საქართველოში ავსტრიის...

სახელმწიფო უსაფრთხოების სამსახურის უფროსი გრიგოლ ლილუაშვილი საქართველოში ავსტრიის ელჩს ტომას მუჰლმანს შეხვდა, - ამის შესახებ ინფორმაციას სახელმწიფო უსაფრთხოების სამსახური ავრცელებს. 

ნიგერიაში „ბოევიკებმა“ 300 გოგო გაიტაცეს

ნიგერიის ჩრდილო-დასავლეთ ნაწილში „ბოევიკები“ სკოლას თავს დაესხნენ და 300-ზე მეტი გოგო გაიტაცეს. ამის შესახებ Reuters იუწყება.