სხვადასხვა

ვაქცინის შემოტანის დრო, კლდის ჩამონგრევა - 12 იანვრის დღიური

PIA.GE-ს დღიური
1610480061
დაკოპირებულია

PIA.GE-ს დღიური - რუბრიკა, სადაც დღის მნიშვნელოვან ამბებსა და პერსონებს წარმოგიდგენთ.

დღის მთავარი ამბავი

„საქართველოში უახლოეს მომავალში მოსახლეობის აცრა „ფაიზერის“ ვაქცინით გახდება შესაძლებელი“ - ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ საქართველოში აშშ-ის ელჩთან შეხვედრისას განაცხადა.

ჯანდაცვის მინისტრმა ამერიკელ დიპლომატს დეტალურად მიაწოდა ინფორმაცია საქართველოში ეპიდსიტუაციასთან დაკავშირებით.

შეხვედრაზე, საუბარი შეეხო COVID 19-ის პანდემიის წინააღმდეგ ბრძოლასა და ვაქცინაციის საკითხს.

„ელჩთან მნიშვნელოვანი შეხვედრა გაიმართა. ვისაუბრეთ პანდემიის წინააღმდეგ გადადგმულ ნაბიჯებზე, ეპიდვითარებასა და ტესტირებაზე. შეხვედრის მთავარი თემა ვაქცინა იყო.

ჩვენ კოვაქს პლატფორმასთან აქტიურად ვთანამშრომლობთ და გვაქვს გარკვეული წინსვლა იმასთან დაკავშირებით, რომ საქართველოში უახლოეს მომავალში მოსახლეობის აცრა „ფაიზერის“ ვაქცინით იქნება შესაძლებელი“ - აღნიშნა ეკატერინე ტიკარაძემ.

⏩ „იანვრის ბოლომდე მზად ვიქნებით, ვაქცინის პირველი პარტია მივიღოთ“ - თამარ გაბუნია

⏩ ლადო კახაძე: მზად ვარ ურწმუნოთა დასანახად, პირველი ვაქცინა საჯაროდ გავიკეთო

დღის ფრაზები

იაგო ხვიჩია:

ბიძინა ივანიშვილი, რომ მართლა წავიდეს, „ქართული ოცნების“ შიგნით კატასტროფა მოხდება. მას რომ წასვლა სდომებოდა, ერთპიროვნულად „ქოცები“ კი არ უნდა დაეტოვებინა ხელისუფლებაში, არამედ ნელ-ნელა უნდა დაწყებულიყო კოალიციურ მთავრობაზე გადასვლა.

თაკო ჩარკვიანი:

ოპოზიციაში ყოფნა 21-ე საუკუნეში ღირებულებები უნდა გქონდეს და მე ვერ ვხედავ, რომ „ქართული ოცნების“ გუნდში რაიმე ღირებულებები ჰქონდეთ გარდა ფულისა, მხოლოდ ფულის სიყვარულით ღირებულებები თუ არ გაქვს ვერასოდეს, 21-ე საუკუნის ოპოზიციაში ვერ იქნები.

ეკატერინე ტიკარაძე:

ბატონმა ბიძინა ივანიშვილმა კიდევ ერთხელ გვაჩვენა და დაამკვიდრა ქვეყანაში ახალი სტანდარტი თუ როგორი უნდა იყოს უმაღლესი მორალური და დემოკრატიული სტანდარტი ქვეყნისთვის.

დღის პერსონა

საქართველოს პარლამენტში ჯანდაცვის კომიტეტის სხდომაზე ლადო კახაძემ განაცხადა, რომ მზად არის პირველი ვაქცინა საჯაროდ გაიკეთოს.

„მზად ვარ, ურწმუნოთა დასანახად, პირველი ვაქცინა საჯაროდ გავიკეთო, – განაცხადა ლადო კახაძემ.

„როგორც დარგის სპეციალისტი, როგორც საკანონმდებლო სივრცის წარმომადგენელი და ასევე ასაკის გათვალისწინებით, მზად ვარ და თანახმა ვარ, პირველი ვაქცინა, რომელიც შემოვა, საჯაროდ, ყველას დასანახად გავიკეთო, არამხოლოდ ურწმუნოთა დასანახად, არამედ ვაქცინაციისადმი ნდობის ასამაღლებლად.“

ლადო კახაძემ ასევე აღმასრულებელი ხელისუფლების, არასამთავრობო ორგანიზაციებისა და საპატრიარქოს წარმომადგენლებს მიმართა, რომ ვაქცინაციის პირველ ეტაპზე აცრა საჯაროდ გაიკეთონ.

დღის კარგი ამბავი

„იანვრის ბოლომდე მზად ვიქნებით, ვაქცინის პირველი პარტია მივიღოთ“, - ამის შესახებ ჯანდაცვის მინისტრის პირველმა მოადგილემ თამარ გაბუნიამ განაცხადა.

მის თქმით, საქართველოსთვის გრძელვადიან პერსპექტივაში ტექნოლოგიურად უფრო მარტივი იქნება ის ვაქცინა შემოვიდეს, რომელიც რომელსაც ცივი ჯაჭვი სჭირდება ორიდან რვა გრადუსამდე და არ სჭირდება კომპლექსური ცივი ჯაჭვი 70-მდე.

როგორც მან ჯანდაცვის კომიტეტის სხდომაზე განაცხადა, ვაქცინის შემოტანას და შემდგომ პროცესებს პერსონალის ტრენინგი სჭირდება. გაბუნია ამბობს, რომ ტექნოლოგიურად უფრო მარტივია „ასტრაზენეკას“ ვაქცინის შემოტანა.

დღის ცუდი ამბავი

გასული დღე-ღამის განმავლობაში საქართველოში კორონავირუსით კიდევ 24 ადამიანი გარდაიცვალა.

პანდემიის გავრცელებიდან დღემდე ვირუსს ჯამში 2 820 პირი ემსხვერპლა.

ბოლო მონაცემებით, ქვეყანაში კორონავირუსის 241 637 შემთხვევაა დადასტურებული, მათ შორის 227 208 გამოჯანმრთელებულია.

დღის უცხოური ამბავი

ჩრდილოეთ ოსეთში აღმოაჩინეს ფრინველის გრიპის პათოგენი, რომელიც ადამიანისთვის საშიშია. სწორედ მან გამოიწვია გედების დაღუპვა მოზდოკის მხარეში.

გასული წლის დეკემბერში, ოსეთის მაცხოვრებლებმა ადგილობრივ ტბაზე რამდენიმე მკვდარი ფრინველი იპოვნეს. ჩათვალეს, რომ ტრაგედია ამინდის პირობების გამო მოხდა და ფრინველებმა საკუთარი თავის გამოკვება ვერ შეძლეს.

ამის მიუხედავად, გამოკვლევამ დაადგინა, რომ „პათოლოგიურმა მასალამ გამოავლინა A გრიპის ვირუსის H5 ქვეტიპის რნმ”. ამავდროულად, სისხლის შრატში აღმოჩნდა "ანტისხეულები ფრინველის გრიპის ვირუსის სეროლოგიური ვარიანტის H5“ - ზე.

აღსანიშნავია, რომ ფრინველის გრიპი საშიშია ადამიანისთვის.

დღის ფოტო

ბაგრატის ტაძარში წყალი ჩადის. წვიმის გამო ტაძრის ქვის ფასადიც ზიანდება და წყალი ინტერიერშიც აღწევს.

ფოტოს ადგილიდან „რადიო თავისუფლება“ ავრცელებს.

დღის ვიდეო

რუსეთში სატვირთო მანქანა ავტოკოლონას დაეჯახა.

კორონავირუსის ახალი
შტამი

ინფიცირება 998, გამოჯანმრთელება 1 892 -...

საქართველოში ბოლო 24 საათში კოვიდინფიცირების 998 ახალი შემთხვევა დადასტურდა. მონაცემები მთავრობის მიერ შექმნილ სპეციალურ ვებგვერდზე Stopcov-ზე განახლდა.

1611385294

შეზღუდვების გახანგრძლივებასთან დაკავშირებით საკოორდინაციო საბჭოს გადაწყვეტილებას გამოეხმაურა  რესტორატორთა ასოციაციის თავმჯდომარე შოთა ბურჯანაძე და აცხადებს, რომ ბიზნესის სექტორი დაწესებული შეზღუდვების გახანგრძლივებას ვეღარ გაუძლებს.

1611393232

წმინდა საყდრის სადესპანოს დუაენი ჟოზე აველინო ბეტანკური, საქართველოში აკრედიტებული დიპლომატიური კორპუსის სახელით, დავით ზალკალიანს საქართველოს ვიცე პრემიერ-მინისტრისა და საგარეო საქმეთა მინისტრის პოზიციაზე დანიშვნას ულოცავს

1611391427

რუსი ოპოზიციონერის ალექსეი ნავალნის მხარდასაჭერ აქციაზე რუსეთის სხვადასხვა ქალაქებში ათიათასობით ადამიანი გამოვიდა. აქცია რუსეთის 93 ქალაქში იმართება. ამის შესახებ Meduza იუწყება. 

1611390740

ჯანდაცვის მსოფლიო ორგანიზაციამ  განაცხადა, რომ მან მიაღწია შეთანხმებას Pfizer / BioNTech–თან  და შესაძლებელია თებერვალში დაიწყოს ვაქცინების მიწოდება ღარიბი და დაბალი საშუალო შემოსავლის ქვეყნებში.

1611389422
რუსი სამხედრო სომხეთში
დაიღუპა

სომხეთში რუსი სამხედრო დაიღუპა

სომხეთის ქალაქ გიუმრიში ავტოსაგზაო შემთხვევაში რუსი სამხედრო, 25 წლის ლეონიდ ხომიაკოვი დაიღუპა. ამის შესახებ სააგენტო „სპუტნიკი“ იუწყება. 

მე-13 ბატალიონის მეორე ნაკადი ავღანეთიდა...

საქართველოს თავდაცვის ძალების აღმოსავლეთ სარდლობის პირველი ქვეითი ბრიგადის მე-13 ბატალიონმა ავღანეთის ისლამურ რესპუბლიკაში საერთაშორისო სამშვიდობო მისია დაასრულა. ინფორმაციას საქართველოს თავდაცვის სამინისტროს პრესსამსახურის წარმომადგენელი ავრცელებს.

The Guardian: რუსეთმა 2008 წელს საქართვე...

ბრიტანული გამოცემა The Guardian სტრასბურგის ადამიანის უფლებათა სასამართლოს მიერ 21 იანვარს მიღებულ გადაწყვეტილებას  სტატიას უძღვნის. სტატიის სათაურია „მოსკოვი პასუხისმგებელია 2008 წელს საქართველოში მშვიდობიანი ადამიანების მკვლელობაზე, ძარცვაზე და საცხოვრებელი სახლების განადგურებაზე“. 

გიორგი გახარია ჯო ბაიდენს: დღეს საქართვე...

საქართველოს პრემიერ-მინისტრი გიორგი გახარია ჯოზეფ ბაიდენს აშშ-ის 46-ე პრეზიდენტის თანამდებობის ოფიციალურად დაკავებას ულოცავს.