უცხოეთი

Aljazeera - საქართველოში არსებული პოლიტიკური კრიზისი ახალგაზრდა დემოკრატიას ემუქრება

ალჯაზირა მელიაზე
1614072210
დაკოპირებულია

ტელეკომპანია Aljazeera საქართველოში „ნაციონალური მოძრაობის“ ლიდერის ნიკა მელიას დაკავებას ეხმაურება. ტელეკომპანია აშშ-ის ყოფილი ადმინისტრაციის წარმომადგენლის, ანალიტიკური ცენტრის Atlantic Council-ის უფროსი მეცნიერ მუშაკის მეთიუ ბრაიზას კომენტარს აქვეყნებს, რომელიც აცხადებს, რომ „დასავლეთმა საქართველოში შუამავლის როლი უფრო აქტიურად უნდა შეასრულოს, წინააღმდეგ შემთხვევაში სიტუაცია შეიძლება ძალზე სახიფათო გახდეს“. 

„საქართველოში პოლიტიკურმა დაძაბულობამ იმ წერტილს მიაღწია, როდესაც ოპოზიციის წარმომადგენლები აცხადებენ, რომ პარლამენტში არ შედიან, ვინაიდან საქართველოში დემოკრატიული სისტემა განადგურებულია“ - აცხადებს მეთიუ ბრაიზა.

„ანალიტიკოსებს მიაჩნიათ, რომ საქართველოში მზარდი პოლიტიკური კრიზისი ახალგაზრდა დემოკრატიას სერიოზული შედეგებით ემუქრება და თბილისის დასავლელი მოკავშირეების ჩარევის გარეშე მისი გადაჭრა ძალზე რთული იქნება“ - წერს Aljazeera.

Aljazeera-ს ინფორმაციით, ნიკა მელიას დაკავება ორშაბათს პარლამენტში სიტყვით გამოსვლისას პრემიერ-მინისტრობის კანდიდატმა ირაკლი ღარიბაშვილმა დააანონსა, რომელმაც განაცხადა, რომ „პოლიტიკური საქმიანობა ინდულგენციას არ ნიშნავს“.

ტელეკომპანია ასევე იუწყება, რომ თავად ირაკლი ღარიბაშვილი გავლენიანი ოლიგარქის, ბიძინა ივანიშვილის ერთგული თანაგუნდელია. „ივანიშვილი საქართველოში ფაქტობრივ მმართველად მიაჩნიათ, მიუხედავად იმისა, რომ ის ოფიციალურად პოლიტიკაში არ მონაწილეობს“ - წერს Aljazeera.

ინფორმაციისთვის, „ნაციონალური მოძრაობის“ თავმჯდომარეს ნიკა მელიას გამოძიება 2019 წლის 20-21 ივნისის აქციაზე ჯგუფური ძალადობის ორგანიზებას, ხელმძღვანელობასა და მასში მონაწილეობას ედავება.

მას საქმეზე სასამართლოსგან თავდაპირველად აღკვეთის ღონისძიების სახით 30 000 ლარის ოდენობით გირაო ჰქონდა შეფარდებული, რომელიც ნიკა მელიას უძრავი ქონებით ჰქონდა უზრუნველყოფილი.

17 თებერვალს, პროკურატურის მოთხოვნის საფუძველზე, სასამართლომ „ნაციონალური მოძრაობის“ თავმჯდომარეს აღკვეთის ღონისძიება დაუმძიმა და პატიმრობა შეუფარდა.

18 თებერვალს სამართალდამცველები „ნაციონალური მოძრაობის“ ოფისში ნიკა მელიასთვის სასამართლო განჩინების ჩასაბარებლად მივიდნენ, თუმცა პარტიის მხარდამჭერებმა ისინი შენობაში არ შეუშვეს.

გიორგი გახარიამ პრემიერ-მინისტრის პოსტი დატოვა და გადაწყვეტილების მიზეზად ნიკა მელიას დაკავების ღონისძიების თარიღისა და ფორმის შესახებ გუნდთან შეუთანხმებლობა დაასახელა.

პრემიერის გადადგომასთან დაკავშირებით, შინაგან საქმეთა სამინისტრომ ნიკა მელიას დაკავების ღონისძიება გადადო.

23 თებერვლის დილას, სპეცრაზმი „ნაციონალური მოძრაობის“ ოფისში შეიჭრა და ნიკა მელია დააკავა. ამავე ღონისძიებისას პოლიციამ ადმინისტრაციული წესით ასევე 21 პირი დააკავა.

იხილეთ ასევე:

🔆 ნიკა მელიას დაკავება გიორგი გახარიას გადადგომიდან რამდენიმე დღეში მოხდა - Reuters

🔆 რუსული მედია: საქართველოში ანტირუსული აქციების ლიდერს 9 წლამდე პატიმრობა ემუქრება

ევროსაბჭოს პრეზიდენტი

საქართველოს დღეს ევროპული საბჭოს პრეზიდე...

საქართველოს დღეს ოფიციალური ვიზიტით ევროპული საბჭოს პრეზიდენტი შარლ მიშელი ეწვევა.

დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, საქართველოში ე.წ. ბრიტანული შტამის გავრცელების რისკი არსებობს, თუმცა მას ახალი, განსაკუთრებული გართულებები არ ახასიათებს.

1614453372

განცხადებაში საუბარია ნიკა მელიას მიერ სატელეფონო ზარის გამოყენების უფლებაზე.

1614450785

„ერთიანი ნაციონალური მოძრაობის“ თავმჯდომარე ნიკა მელიამ დაპატიმრების შემდეგ, ტელეკომპანია „მთავარ არხთან“ ინტერვიუში თავის გულისწყვეტაზე ისაუბრა, რომ მიმდინარე მოვლენებს პარტიის ყოფილი ლიდერი გრიგოლ ვაშაძე არ გამოეხმაურა.

1614448542

​დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველოში კორონავირუსით რეინფიცირების ​ შემთხვევა ლაბორატორიულად და გენეტიკურად დადასტურებული არ არის.

1614445847
კლინიკური ჯგუფის
ხელმძღვანელი

„მწარმოებლებმა ვერ აწარმოეს ვაქცინების ის რაო...

„ინფექციური პათოლოგიისა და შიდსის ცენტრის“ დირექტორმა, თენგიზ ცერცვაძემ განაცხადა, რომ მწარმოებლებმა ვერ აწარმოეს ვაქცინების ის რაოდენობა, რაც დაგეგმილი ჰქონდათ და ამიტომ, ვაქცინები დააკლდა ყველას.

1614442925
ევროპის ქვეყნებში მარტში ზოგიერთი შეზღუდ...

ევროპის ზოგიერთ ქვეყანაში კორონავირუსით დაწესებული შეზღუდვები მარტში მოიხსნება. ამის შესახებ „ანადოლუ“ იუწყება. 

მედიისა და სამოქალაქო საზოგადოების მანიფ...

მედიისა და სამოქალაქო საზოგადოების მანიფესტი საფრთხისშემცველი მედიაგარემოს შესახებ აწერენ ხელს - ისინი მოუწოდებენ ხელისუფლებას, უზრუნველყონ ჟურნალისტების უსაფრთხო გარემოში მუშაობა. აღნიშნულის შესახებ ტელეკომპანია „ფორმულა“ იუწყება. სწორედ, იქ მოეწერა ხელი მანიფესტს.

„სახელმწიფოს მოვალეობაა, არ აჰყვეს ოპოზი...

„სახელმწიფოს მოვალეობაა, არ აჰყვეს ამ მთავარ სტრატეგიულ მიმართულებას, რომ იქნებ, როგორმე ჯახი გამოიწვიონ არამარტო სახელმწიფო სტრუქტურებთან, არამედ საზოგადოებების წარმომადგენლებს შორის მოხდეს დაპირისპირება და რასაკვირველია, ამას პერსპექტივა გააჩნია, თუკი სახელმწიფო არ იმოქმედებს საკმაოდ ჩამოყალიბებულად და დაგეგმილი სტრატეგიით“, – ამის შესახებ პარლამენტის ვიცე-სპიკერმა გია ვოლსკიმ განაცხადა.