ანგელა მერკელის ოფისის ღობეს ავტომობილი შეეჯახა
1606302526
ბერლინში გერმანიის კანცლერის, ანგელა მერკელის ოფისის ღობეს ავტომობილი შეეჯახა. ამის შესახებ Reuters იუწყება.
ამავე ინფორმაციის მიხედვით, ავტომობილს ეწერა: „შეწყდეს გლობალიზაციის პოლიტიკა“, „თქვენ ბავშვების და ქალების წყეულო მკვლელებო!“
Deutsche Welle-ს ინფორმაციით, ინციდენტის შედეგად არავინ დაშავებულა. მძღოლი დაკავებულია.
ვრცელდება ინფორმაცია, რომ ანგელა მერკელი შემთხვევის მომენტში ოფისში იმყოფებოდა. ის კორონავირუსთან ბრძოლის საკითხზე ადგილობრივი ხელისუფლების წარმომადგენლებთან ვიდეოკონფერენციას მართავდა.
