ავღანეთში აფეთქებას 17 ადამიანის სიცოცხლე ემსხვერპლა
1596188183
ავღანეთში მანქანის აფეთქებას, სულ მცირე, 17 ადამიანის სიცოცხლე ემსხვერპლა. როგორც BBC წერს, შემთხვევა ლოგარის პროვინციაში, ისლამური დღესასწაულის - ყურბან ბაირამის წინა ღამით მოხდა.
აღსანიშნავია, რომ დღესასწაულთან დაკავშირებით, ავღანეთის მთავრობამ და თალიბანმა 29 ივლისს, სამდღიან ცეცხლის შეწყვეტის რეჟიმზე მოილაპარაკეს, თუმცა შეთანხმება ძალაში 31 ივლისიდან შევიდა.
მომხდარზე პასუხისმგებლობას არ იღებს თალიბანი, ხოლო ისლამური სახელმწიფო ჯერ კომენტარს არ აკეთებს.
