ბეირუთში აქციაზე პოლიციამ ცრემლსადენი გაზი გამოიყენა
1596895053
ლიბანში მომხდარ აფეთქებასთან დაკავშირებით, ანტი-სამთავრობო პროტესტი მიმდინარეობს. ამის შესახებ ინფორმაციას Reuters ავრცელებს.
გამოცემის ცნობით, აქციის წევრები პარლამენტის შენობაში შესვლას ცდილობდნენ, რა დროსაც პოლიციამ მათ წინააღმდეგ ცრემლსადენი გაზი გამოიყენა.
ქალაქის ცენტრში დაახლოებით 5 000 ადამიანია შეკრებილი.
აქციის წევრებს აქვთ შეძახილი: „ხალხს სურს რეჟიმის დაცემა“. „ჩვენ გვინდა ღირსეული მომავალი, არ გვინდა, აფეთქების შედეგად დაღუპულები“, - ამბობს ერთ-ერთი დემონსტრანტი.
ცნობისთვის, ბეირუთის პორტში ძლიერი აფეთქება 4 აგვისტოს მოხდა. პორტის საწყობში 2 750 ტ ამონიუმის ნიტრატი აფეთქდა, რომელიც ადგილზე 6 წლის განმავლობაში ინახებოდა. აფეთქების შედეგად 154 ადამიანი დაიღუპა, 5000 დაშავდა.
აფეთქების შემდეგ, 6 აგვისტოს საფრანგეთის პრეზიდენტი ემანუელ მაკრონი ბეირუთში ჩავიდა და მოსახლეობას დახმარებას დაპირდა.
