უცხოეთი

„ბი-ბი-სის“ რადიოგადაცემა NEWSDAY კორონავირუსთან ბრძოლაში საქართველოს წარმატებით დაინტერესდა

ცქიტიშვილი ბრიფინგზე
11:57 24.04
დაკოპირებულია

„ბი-ბი-სის“ (BBC) რადიო პანდემიასთან ბრძოლაში საქართველოს წარმატებით დაინტერესდა. გადაცემის წამყვანმა ლორენს პოლადმა აღნიშნა, რომ ბევრი ქვეყანა ამ ბრძოლაში საქართველოს სანიმუშო ქვეყნად მიიჩნევს და მის გამოცდილებას სწავლობს. „ბი-ბი-სის“ რადიოს გადაცემა NEWSDAY-ს შეკითხვებს საქართველოს ვიცე-პრემიერმა მაია ცქიტიშვილმა უპასუხა. მან პანდემიასთან ბრძოლაში საქართველოს წარმატების მიზეზად, ადრეულ ქმედებებთან ერთად, მოსახლეობის პასუხისმგებლობა დაასახელა.

„ჩვენი წარმატების მიზეზი ადრეული და გადამწყვეტი ქმედებებია. ჩვენ ზედმიწევნით ვითვალისწინებდით ჩვენი ჯანდაცვის სპეციალისტებისა და ეპიდემიოლოგების რჩევებსა და რეკომენდაციებს. ძალიან ადრეულ ეტაპზე დავიწყეთ მოქმედება – 22 იანვრიდან ქვეყანაში ყველა ჩამომსვლელის თერმოსკრინინგი ხორციელდებოდა და საკმაოდ მკაცრი წესები განვსაზღვრეთ სკრინინგისთვის და ცხელ წერტილებად მიჩნეული ქვეყნებიდან ჩამოფრენილი მგზავრების შემოწმებისთვის“, – აღნიშნა მაია ცქიტიშვილმა.

ვიცე-პრემიერის თქმით, საქართველოს მთავრობამ არსებული მდგომარეობის მიღწევა ქვეყნის მოსახლეობის მხარდაჭერით შეძლო.

„თავიდანვე ძალიან კარგი კომუნიკაცია გვქონდა. გვესმოდა, რომ კორონავირუსთან ბრძოლაში გამარჯვება მხოლოდ მოსახლეობის მხარდაჭერით შეიძლება. არცერთ მთავრობას ძალუძს ამ გამოწვევის მარტო დაძლევა და ქვეყნის მოქალაქეებთან თავიდანვე მკაფიო კომუნიკაციას ვაწარმოებდით. მინდა ეს შესაძლებლობა გამოვიყენო და ვთქვა, რომ ჩვენი მოსახლეობა პასუხისმგებლობით მოეკიდა საკითხს“,- განაცხადა მაია ცქიტიშვილმა.

მან აღნიშნა, რომ საქართველოს მთავრობა, კორონავირუსთან ბრძოლასთან ერთად, ეკონომიკური საქმიანობის ხელშეწყობის მიმართულებით მუშაობს.

„მარტის ბოლოდან ამოქმედდა შეზღუდვები და ხალხს სახლში დარჩენისკენ მოვუწოდეთ. უკვე ერთი თვე ხდება, თუმცა ეს დაბალანსებული მდგომარეობაა. ორ ფრონტზე გვიწევს ბრძოლა: ერთი მხრივ, კორონავირუსს ვებრძვით და მეორე მხრივ, ეკონომიკური საქმიანობის ხელშეწყობას ვცდილობთ“ – განაცხადა ვიცე-პრემიერმა.

„ბი-ბი-სისთან“ ინტერვიუში ლუგარის ცენტრზე საუბრისას მაია ცქიტიშვილმა აღნიშნა, რომ დაავადებათა კონტროლის ცენტრს, დღეის მდგომარეობით, დაახლოებით 7000 ადამიანი ჰყავს შემოწმებული.

„ჩვენი სტრატეგიული პარტნიორის, შეერთებული შტატების, დახმარებით თბილისში ლუგარის ლაბორატორია ფუნქციონირებს. დაავადებათა კონტროლის ეროვნულ ცენტრს ჩვენი პარტნიორების დახმარება აქვთ მიღებული. ლაბორატორიული ტესტირება ერთ-ერთი, თუმცა მნიშვნელოვანი ინსტრუმენტია. 7000 ადამიანამდე გყვავს შემოწმებული დღეის მდგომარეობით. ტესტირება ხდებოდა დაავადებათა კონტროლის ეროვნული ცენტრის მიერ შემუშავებული პროტოკოლების საფუძველზე“, – განაცხადა მაია ცქიტიშვილმა.

შეზღუდვების მოხსნასთან დაკავშირებით „ბიბისის“ შეკითხვის საპასუხოდ ვიცე-პრემიერმა აღნიშნა, რომ ვაქცინის ან მედიკამენტის არსებობამდე, შესაბამისი ნაბიჯები სიფრთხილით უნდა გადაიდგას. მაია ცქიტიშვილის თქმით, საქართველოს მთავრობა ეკონომიკური საქმიანობის განახლების გეგმაზე უკვე მუშაობს.

„უპირველეს ყოვლისა, ძალიან ფრთხილად უნდა ვიყოთ შეზღუდვების შერბილებისას, რადგან ძალიან დიდი ცდუნება ჩნდება ინფიცირების მაჩვენებლების კლების ფონზე. ფრთხილად უნდა ვიყოთ და ზედმიწევნით დავიცვათ სოციალური დისტანცირების წესები. მიმაჩნია, რომ ყველამ უნდა გააცნობიეროს ვირუსთან ადაპტაციის აუცილებლობა, სანამ ვაქცინა ან წამალი იარსებებს. უნდა ვისწავლოთ ახალ კორონავირუსთან თანაარსებობა. უკვე დავიწყეთ ეკონომიკური საქმიანობის განახლების გეგმაზე მუშაობა. ის გულისხმობს ზოგიერთი, დაბალი რისკის მქონე ეკონომიკური სუბიექტის ეტაპობრივ გახსნას. ტესტირებაც ძალიან მნიშვნელოვან და ქმედით ინსტრუმენტად დარჩება ვირუსის გავრცელების კონტროლის საქმეში, თუმცა სოციალური დისტანცირების ზომები ძალიან მნიშვნელოვანია“, – აღნიშნა ვიცე-პრემიერმა.

სომხეთ-აზერბაიჯანის კონფლიქტი

სომხეთ-აზერბაიჯანის კონფლიქტი - უახლესი...

ახალი ამბების სააგენტო Pia.ge გაგაცნობთ ყარაბაღის ტერიტორიაზე მიმდინარე სამხედრო...
ეკონომიკისა და მდგრადი განვითარების მინისტრმა ნათია თურნავამ თბილისის სახელმწიფო უნივერსიტეტსა და სა...
43 წუთის წინ
ყარაბაღში დღეს, 26 ოქტომბერს ჰუმანიტარული ზავი ამოქმედდება. ჰუმანიტარული ცეცხლის შეწყვეტა დილას 08:0...
51 წუთის წინ
გადაუდებელი სამუშაოების გამო დღეს, 26 ოქტომბერს თბილისის მოსახლეობის ნაწილს ელექტრომომარაგება დროები...
52 წუთის წინ
26 ოქტომბერს საქართველოში მოსალოდნელია თბილი და უნალექო ამინდი. ამის შესახებ ინფორმაციას გარემოს ერო...
09:09
გუდაუთას საავადმყოფო ოკუპირებულ აფხაზეთში კორონავირუსის 172 ახალი...
ოკუპირებულ აფხაზეთში კორონავირუსით ინფიცირების 172 ახალი შემთხვევა გამოვლინდა. ინფორმაციას Sputnik A...
00:41
21:37 25.10
მსოფლიო მასშტაბით კოვიდინფიცირებულთა რაო...
მსოფლიო მასშტაბით კორონავირუსით ინფიცირებულ პირთა რაოდენობა 43 მლნ-ს გადააჭარბა....
არჩილ თალაკვაძემ აშშ-ში მცხოვრებ თანამემ...
პარლამენტის თავმჯდომარე არჩილ თალაკვაძე და დიასპორის საკითხთა კომიტეტის თავმჯდომ...
დიდ დიღომში ანბანის ინსტალაციის მიმდებარ...
დიდ დიღომში, „გუდვილის“ მიმდებარედ, ე.წ. ანბანის ინსტალაცია განახლდა, ხოლო მიმდე...