უცხოეთი

ბიძინა ივანიშვილის პოლიტიკიდან წასვლა იმ ფონზე, როდესაც მისმა პარტიამ გასული წლის ნოემბერში დამაჯერებელი გამარჯვება მოიპოვა, წინსვლის მაგალითია ახალგაზრდა ევროპული დემოკრატიებისთვის - უცხოური მედია

ევროპარლამენტარი რიშარდ
ჩარნეცკი Pia.ge
1611394646
დაკოპირებულია

პოლონელი ევროპარლამენტარი, „ევროპელი კონსერვატორების და რეფორმისტების” ჯგუფის წევრი რიშარდ ჩარნეცკი საავტორო სტატიას აქვეყნებს  სათაურით „ორი ჯორჯიის ამბავი“.

გამოცემა „ნიუ იუროპზე“ გამოქვეყნებულ პუბლიკაციაში ევროდეპუტატი წერს:

„ტრამპის პრეზიდენტობის დასრულების შემდეგ გასარკვევია, გაწყვეტენ თუ არა მასთან კავშირს რესპუბლიკური პარტიის მმართველი წრეები. მსოფლიოს ბევრ კონსერვატიულ პარტიას, თუმცა ყველას არა, იმედი აქვს, რომ ძველი ყაიდის რესპუბლიკური პარტია: საბაზრო ურთიერთობებისა და თავისუფლების მომხრე და დასავლური დემოკრატიული ინსტიტუტების უპირობოდ ერთგული, ისევ წამოდგება ფეხზე.“

სტატიაში პოლონელი ევროპარლამენტარი აღნიშნავს, რომ ევროპაში ბევრი კონსერვატორისთვის პრეზიდენტი ტრამპი არაერთგვაროვანი ფიგურა იყო, ნაწილობრივ მომგებიანი და წამგებიანიც.

„რთული რიტორიკის მიუხედავად, მან შეძლო ზოგიერთი მნიშვნელოვანი კონსერვატიული პრინციპის ამოქმედება. ჩინეთიდან მომავალი საფრთხის მიმართ უფრო ძალისმიერი მიდგომა მისასალმებელი და დიდი ხნის განმავლობაში სასურველი გახლდათ ისევე, როგორც ევროპის სახელმწიფოების მიმართ თავდაცვის ხარჯების გაზრდისკენ გაჟღერებული მოწოდება. მის მიერ გადასახადების შემცირებამ უდიდესი ბიძგი მისცა აშშ-ის ეკონომიკას“, – აღნიშნულია სტატიაში.

ევროდეპუტატი სტატიაში ბიძინა ივანიშვილის პოლიტიკიდან წასვლის საკითხსაც ეხება და აღნიშნავს, რომ „ქართველმა მილიარდერმა საკუთარი ნებით დათმო ძალაუფლება არჩევნებში გამარჯვების მოპოვების შემდეგ“.

„ბოლო დღეებში ხშირად ისმის კითხვა: შეიძლება, მსგავსი რამ ევროპაში მოხდეს? ძალიან ცოტა ევროპული დემოკრატია თუ გაუტოლდება ამერიკულს ზრდასრულობით თუ ხანგრძლივი ისტორიით, ხოლო აღმოსავლეთ პარტნიორობის ქვეყნები კი, დღესაც დაუცველნი არიან შიდა თუ გარე შოკებისგან, რომელთაც შეუძლია, ბოლო ათწლეულებში მიღწეული პროგრესის დესტაბილიზაცია. ამ კონტექსტში იმედისმომცემი იყო ამ კვირაში საქართველოს ყოფილი პრემიერ-მინისტრის, ბიძინა ივანიშვილის განცხადება საზოგადოებრივი ცხოვრებიდან წასვლისა და ყველა პოლიტიკური თანამდებობის დატოვების შესახებ. ტრამპის მსგავსად, ივანიშვილიც გახლავთ პოლიტიკაში მოსული მილიარდერი ბიზნესმენი, რომელმაც 2012 წელს ყველა პროგნოზის საწინააღმდეგოდ გაიმარჯვა არჩევნებში. საბედნიეროდ, მსგავსება ამით ამოიწურება.

2012 წლიდან მოყოლებული ივანიშვილი იყო ქართული პოლიტიკის მამოძრავებელი ძალა, რომელიც თავდაპირველად პრემიერ-მინისტრის თანამდებობას იკავებდა, ხოლო ბოლო პერიოდში – „ქართული ოცნების“ თავმჯდომარის პოსტს. მისმა პარტიამ მორიგი დამაჯერებელი გამარჯვება მოიპოვა გასული წლის ნოემბერში გამართულ არჩევნებში. არჩევნების გაყალბებასთან დაკავშირებით მისი ოპონენტების მხრიდან გაჟღერებული „ტრამპის სტილის“ პრეტენზიების მიუხედავად, დამკვირვებლებმა აღიარეს, რომ საქართველოს არჩევნები პასუხობდა საერთაშორისო სტანდარტებს და შედეგები ზუსტი იყო. ამ კონტექსტში ივანიშვილის წასვლა წინსვლის მაგალითია ახალგაზრდა ევროპული დემოკრატიებისთვის.

დიდი ხნის განმავლობაში ამერიკა – „სინათლის ქალაქი გორაკზე“ წარმოადგენდა აღმოსავლეთ ევროპის დემოკრატიული შთაგონების წყაროს. დღეს კი, ჩვენი მეგობრებისა და პარტნიორებისთვის უმჯობესია, არ მიაქციონ ყურადღება აშშ-ის მილიარდერ პრეზიდენტს, რომელიც უარს ამბობს თეთრის სახლიდან გამოსვლაზე არჩევნებში დამარცხების შემდეგ – და, ამის ნაცვლად, ეძებონ შთაგონების წყარო საკუთარ სამეზობლოში, კერძოდ, ქართველი მილიარდერის სახით, რომელმაც საკუთარი ნებით დათმო ძალაუფლება არჩევნებში გამარჯვების მოპოვების შემდეგ“, – ნათქვამია სტატიაში.

რიშარდ ჩარნეცკი აქვე აღნიშნავს, რომ „ცივი ომის“ დასრულების შემდეგ ევროკავშირი და აშშ მხარს უჭერენ ევროპაში წარმოქმნილ დემოკრატიებს, იქნება ეს ფინანსური, საგანმანათლებლო თუ უსაფრთხოების სფეროს მხარდაჭერა. მისივე თქმით, ეჭვგარეშეა, რომ ეს დახმარება გაგრძელდება.

ევროდეპუტატი პუბლიკაციაში წერს, რომ 2024 წელს „ქართული ოცნების“ მიერ ევროკავშირის წევრობაზე დაგეგმილი განაცხადის შეტანა მხარდაჭერას იმსახურებს.

„კიდევ უფრო აუცილებელია, თავად ამ ქვეყნებში ლიდერობის ჩამოყალიბება. საქართველოს ერთ-ერთი ყველაზე ძლევამოსილი და შეძლებული ადამიანის მიერ საკუთარი ნებით ძალაუფლების დათმობა მიუთითებს სამოქალაქო და დემოკრატიულ სიმწიფეზე, რომელიც იძლევა კარგი პროგნოზების გაკეთების საშუალებას ევროკავშირის წევრობაზე 2024 წელს „ქართული ოცნების“ მიერ დაგეგმილი განაცხადის შეტანის კუთხით. ეს განაცხადი იმსახურებს მხარდაჭერას.

საქართველო დიდი ხანია, წარმოადგენს პროგრესის შუქურას რეგიონში და ამ პროგრესის დაჩქარებამ ბოლო წლებში ივანიშვილის ხელმძღვანელობით ყველა მოლოდინს გადააჭარბა. მსოფლიო ბანკის „ბიზნესის წარმართვის გლობალურ ინდექსში“ საქართველო მეშვიდე ადგილზეა და უსწრებს ევროკავშირის 27 წევრი სახელმწიფოდან 26-ს. „ეკონომიკური თავისუფლების ინდექსის“ თანახმად, საქართველო მე-12 ადგილზეა მსოფლიოში და უსწრებს ევროკავშირის წევრთა უმრავლესობას. Fraser Institute-ის „თავისუფლების ინდექსში“ საქართველო მერვე ადგილზეა და იმყოფება აშშ-ის შემდეგ“, – ნათქვამია სტატიაში.

ევროდეპუტატი აღნიშნავს, რომ ეს არის „შესანიშნავი შედეგი ქვეყნისთვის, რომელიც არც თუ ისე დიდი ხნის წინ დიქტატურის და რეპრესიების პირობებში ცხოვრობდა“.

„ეს შედეგი იმსახურებს აღიარებას ევროკავშირის ლიდერების მხრიდან როგორც სიტყვით, ისე – საქმით.

დემოკრატია არ არის მმართველობის უზადო სისტემა – არც საქართველოში, არც ევროკავშირში და არც თავად ამერიკის შეერთებულ შტატებშიც კი. ჩვენ, ვინც „რკინის ფარდის“ მეორე მხარეს გავიზარდეთ, კარგად გვესმის ამ თავისუფლების ფაქიზი ბუნება.

რონალდ რეიგანს თუ დავესესხებით, „თავისუფლება ფაქიზი რამ არის და მის გასაქრობად მხოლოდ ერთი თაობაა საკმარისი… აუცილებელია, რომ ყველა თაობამ მუდმივად იბრძოლოს მის დასაცავად“.

სწორედ ჯორჯიის შტატმა დაუსვა წერტილი ტრამპის პრეზიდენტობას, როცა შტატის ამომრჩევლებმა უარით გაისტუმრეს პრეზიდენტის მცდელობა, საფუძველი შეერყია აშშ-ის არჩევნების დემოკრატიული პროცესისთვის. 10 000 კილომეტრის დაშორებით კი, ქვეყანაში სახელად ჯორჯია (საქართველო) ჩვენ თვალწინ მიმდინარეობს ნაკლებად რეკლამირებული, მაგრამ ბევრად უფრო შთამბეჭდავი დემოკრატიული გადასვლა ახალ საფეხურზე“, – აღნიშნულია სტატიაში.

აქცია მსვლელობა
ფილარმონიიდან

„თავისუფლებისთვის“ - ფილარმონიიდან ოპოზი...

გაერთიანებული ოპოზიციის მიერ დაგეგმილი აქცია-მსვლელობა ფილარმონიის დიდი საკონცერტო დარბაზის მიმდებარე ტერიტორიიდან უკვე დაიწყო. 

პარტია „სამართლიანობისთვის“ ლიდერი ეკა ბესელია 26 თებერვლის საპროტესტო აქციას უერთდება და მიაჩნია, რომ განურჩევლად პარტიული ინტერესებისა, ყველა ინდივიდუალური პროტესტის გამოსახატავად უნდა მივიდეს.

1614330247

თბილისის გაზმომარაგების ცენტრალურ მაგისტრალზე ავარია მოხდა. 

1614330159

შინაგან საქმეთა სამინისტროს საპატრულო პოლიციის დეპარტამენტი გაცნობებთ, რომ დღეს, 26 თებერვალს, თბილისში მიმდინარეობს ოპოზიციური პოლიტიკური პარტიების მიერ ორგანიზებული აქცია-მსვლელობა, რის გამოც დედაქალაქის ცალკეულ უბნებში ავტოტრანსპორტის მოძრაობა დროებით შეზღუდულია, - ამის შესახებ ინფორმაციას შსს-ს პრესსამსახური ავრცელებს.

1614330007

„გირჩის“ ერთ-ერთი ლიდერი ვახო მეგრელიშვილი ამბობს, რომ პარტიის რამდენიმე წარმომადგენელი ოპოზიციის მიერ დაგეგმილ დღევანდელ აქციას შეუერთდება. 

1614329741
ხაზარაძე

„ქვეყანას სჭირდება გადატვირთვა, ამის ერთადერთ...

პარტია „ლელო საქართველოსთვის“ თავმჯდომარე მამუკა ხაზარაძე უერთდება გაერთიანებული ოპოზიციის აქციას.

ის აღნიშნავს, რომ  ოპოზიციის მოთხოვნა არის უცვლელი, ქვეყანას სჭირდება გადატვირთვა ამის ერთადერთი გზა  რიგგარეშე არჩევნებია.

1614324006
თბილისი 175, იმერეთი 37 - კორონავირუსის...

დღეს ქვეყანაში გამოვლენილი ინფიცირების 337 ახალი შემთხვევიდან თბილისში გამოვლენილია 175 შემთხვევა. მონაცემები მთავრობის მიერ შექმნილ სპეციალურ ვებგვერდზე Stopcov.ge-ზე განახლდა.

საქსტატის წინასწარი შეფასებით, 2021 წლის...

სტატისტიკის ეროვნული სამსახურის წინასწარი შეფასებით, 2021 წლის იანვარში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) კლებამ 11.5 პროცენტი შეადგინა.

იაპონიაში თვის ბოლოს საგანგებო მდგომარეო...

იაპონიის მთავრობის ინფორმაციით, ქვეყანაში თვის ბოლოს პრაქტიკულად ყველა პრეფექტურაში საგანგებო მდგომარეობა გაუქმდება. ამის შესახებ Reuters იუწყება.