ბრაზილიელი ფეხბურთელები ავიაკატასტროფის შედეგად დაიღუპნენ (ვიდეო)
1611504298
ბრაზილიაში, ქალაქ პორტო ნაკიუნალის მახლობლად, მცირე ზომის თვითმფრინავი ჩამოვარდა და პალმასის კლუბის ფეხბურთელები დაიღუპნენ. ინფორმაციას გამოცემა balthazarkorab ავრცელებს.
გამოცემის ინფორმაციით, ავიაკატასტროფის შედეგად დაღუპულია 6 ადამიანი.
მედიასაშუალება წერს, რომ ბორტზე გუნდის 5 წევრი იმყოფებოდა, მათ შორის კლუბის პრეზიდენტი, ლუკას მეირა. მეექვსე გარდაცვლილი თვითმფრინავის პილოტია.
ინფორმაციისთვის, პალმასი ბრაზილიის მეოთხე დივიზიონის გუნდია. გუნდი გასვლითი მატჩისთვის ემზადებოდა.გარდაცვლილი ფეხბურთელების ვინაობა უკვე დადგენილია. ისინი 23-დან 28-წლამდე ასაკის იყვნენ.
